អភិបាលខេត្តព្រះសីហនុ ស្នើឱ្យប្រតិភូនាវាកងទ័ពឥណ្ឌា​ ជួយផ្សព្វផ្សាយ​ពីសក្តានុពល​របស់ខេត្ត​ព្រះសីហនុ​ដល់អ្នកវិនិយោគ​នៅប្រទេសឥណ្ឌា​

ព្រះសីហនុ៖ គណៈប្រតិភូឥណ្ឌាដឹកនាំដោយលោក សេនានុពន្ធ ភីសេដពុន្នា Col. P.S Punia នៅថ្ងៃទី៦ ខែវិច្ឆិកា ឆ្នាំ២០១៧ បានអញ្ជើញចូលជួបសម្តែងការគួរសមជាមួយលោក យន្ត មីន អភិបាល នៃគណៈអភិបាលខេត្តព្រះសីហនុ។

ក្នុងឱកាសនោះ លោក យន្ត មីន អភិបាលខេត្តព្រះសីហនុ បានថ្លែងអំពីសក្កានុពលរបស់ខេត្ត ភាពលូតលាស់ និងការអភិវឌ្ឍនានាក្នុងខេត្តព្រះសីហនុ និងទំនាក់ទំនងរបស់ប្រទេសកម្ពុជា ជាមួយប្រទេសឥណ្ឌាកន្លងមក តាំងពីបុរាណដល់បច្ចុប្បន្ន រួមទាំងបានស្នើឲ្យ លោកសេនានុពន្ធ ភីសេដពុន្នា Col. P.S Punia ជួយផ្សព្វផ្សាយទៅដល់អ្នកវិនិយោគនៅប្រទេសឥណ្ឌា មកវិនិយោគនៅខេត្តព្រះសីហនុ។

ថ្លែងតបទៅនិងប្រសាសន៍លោកអភិបាលខេត្តព្រះសីហនុ លោក សេនានុពន្ធ ភីសេដពុន្នា Col. P.S Punia បានថ្លែងអំណរគុណចំពោះលោកអភិបាលខេត្តព្រះសីហនុ ដែលបានទទួលស្វាគមន៍រូបលោក និងគណៈប្រតិភូរបស់លោក។ បន្ថែមពីលើនេះលោកបានឲ្យដឹងថា រូបលោកអញ្ជើញមកនាឱកាសនេះ មានបំណងចង់ជំរាបជូនលោកអភិបាលខេត្ត ឲ្យបានជ្រាបនូវដំណើរទស្សនៈកិច្ចរបស់នាវាកងទ័ពឥណ្ឌា ដែលនឹងធ្វើដំណើរមកដល់ខេត្តព្រះសីហនុនាថ្ងៃទី២៤ វិច្ឆិកា និងចេញដំណើត្រឡប់ទៅវិញនៅថ្ងៃតី២៧ ខែវិច្ចិកា ឆ្នាំ២០១៧ខាងមុននេះ ។

លើសពីនោះ លោក សេនានុពន្ធ ភីសេដពុន្នា Col. P.S Punia ក៏បានអញ្ជើញលោក អភិបាលខេត្តព្រះសីហនុ ចូលរួមក្នុងពិធីជប់លៀងអាហារពេលល្ងាចនៅលើនាវា នៅល្ងាចថ្ងៃទី២៤ និងថ្ងែទី២៥,២៦ និងអនុញ្ញាតឲ្យសិស្សសាលាចូលទស្សនៈកិច្ចផងដែរ៕