ការបោះឆ្នោតជ្រើសតាំងតំណាងរាស្រ្តឈរជាបេក្ខជនបន្ថែមក្នុងគណៈកម្មការទាំង១០ នឹងធ្វើឡើងក្នុងសម័យប្រជុំពេញអង្គរដ្ឋសភានាពេលខាងមុខ

យោងតាមសេចក្តីប្រកាសព័ត៌មាន របស់រដ្ឋសភានៅថ្ងៃទី០៧ ខែវិច្ឆិកា ឆ្នាំ២០១៧នេះ បានឱ្យដឹងថា គណៈកម្មាធិការអចិន្ត្រៃយ៍នៃរដ្ឋសភា បានបើកកិច្ចប្រជុំពិនិត្យ និងសម្រេចទៅរបៀបវារៈចំនួន០៥ ក្រោមអធិបតីភាព ប្រធានរដ្ឋសភា លោក ហេង សំរិន ហើយក៏មានការអញ្ជើញចូលរួមពីលោក ប៉ុល ហំម តំណាងរាស្រ្តមកពីគណបក្សសង្រ្គោះជាតិផងដែរ។

អង្គប្រជុំបានអនុម័តលើបញ្ជីឈ្មោះតំណាងរាស្រ្តគណបក្សប្រជាជនកម្ពុជា ឈរជាបេក្ខជនសម្រាប់ជ្រើសតាំងបន្ថែមក្នុងគណៈកម្មការទាំង១០របស់រដ្ឋសភា ដែលនឹងរៀបចំបោះឆ្នោតនៅក្នុងសម័យប្រជុំរដ្ឋសភាលើកទី៩ នីតិកាលទី៥នាពេលខាងមុខ។

ខាងក្រោមនេះ គឺជាលទ្ធផលកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ដែលបានផ្សព្វផ្សាយនៅក្រោយកិច្ចប្រជុំ៖