ខេត្តកែប ទទួល​បានពានរង្វាន់​ទីក្រុងនិរន្តរភាព​បរិស្ថាន​អាស៊ានគឺ ​ខ្យល់ស្អាត​ ដីស្អាត ​និងទឹកស្អាត​

ប្រតិភូជាន់ខ្ពស់នៃក្រសួងបរិស្ថាន រួមនឹងគណៈអភិបាលខេត្តកែប នៃប្រទេសកម្ពុជា ដឹកនាំដោយលោក សាយ សំអាល់ រដ្ឋមន្រ្តីក្រសួងបរិស្ថាន បានចូលរួមកិច្ចប្រជុំថ្នាក់រដ្ឋមន្រ្តីបរិស្ថានអាស៊ាន និងទទួលពានរង្វាន់អាស៊ានផ្នែកនិរន្តរភាពបរិស្ថាន និងផ្នែកនិរន្តរភាពទឹកស្អាត នៅប្រទេសប្រ៊ុយណេ។

ពិធីប្រគល់ពានរង្វាន់អាស៊ានទាក់ទងនឹងផ្នែកបរិស្ថាននេះ បានប្រព្រឹត្តទៅនៅល្ងាចថ្ងៃទី១២ ខែកញ្ញា ឆ្នាំ២០១៧ នៅប្រទេសប្រ៊ុយណេ ដារុយសាឡឹម ក្នុងឱកាសនៃកិច្ចប្រជុំរដ្ឋមន្រ្តីអាស៊ាន។ នៅក្នុងនោះខេត្តកែប ទទួលបានពានរង្វាន់ទីក្រុងនិរន្តរភាពបរិស្ថានអាស៊ាន ដ៏វិសេសវិសាលបំផុតគឺ ខ្យល់ស្អាត ដីស្អាត និងទឹកស្អាត ហើយនេះជាមោទនភាពនៃប្រជាជន និងរាជរដ្ឋាភិបាលកម្ពុជា ដែលខេត្តរបស់កម្ពុជា បានទទួលពានរង្វាន់អាស៊ានទាក់ទងនឹងវិស័យបរិស្ថាន៕