តើជាបដិវត្តន៍ពណ៌ ឬជាការផ្តួលរំលំ ?

លោក សុខ ឥសាន អ្នកនាំពាក្យគណបក្សប្រជាជនកម្ពុជា នៅថ្ងៃទី១៣ ខែកញ្ញា ឆ្នាំ២០១៧នេះ បានលើកឡើងពីទង្វើទុច្ចរិតរបស់លោក កឹម សុខា ដែលចង់ផ្តួលរំលំរដ្ឋាភិបាលស្របច្បាប់របស់ លោកនាយករដ្ឋមន្រ្តី ហ៊ុន សែន តាមរយៈបដិវត្តន៍ពណ៌ដោយមានសហរដ្ឋអាមេរិកនៅពីក្រោយខ្នង។

លោក សុខ ឥសាន បានបញ្ជាក់ថា តាមសម្តីរបស់លោក កឹម សុខា សហរដ្ឋអាមេរិកបានដាក់ផែនការឱ្យ កឹម សុខា ផ្តួលរំលំរាជរដ្ឋាភិបាលស្របច្បាប់ ដោយបំពានលទ្ធិប្រជាធិបតេយ្យដោយយកគម្រូតាមប្រទេស យូហ្គោស្លាវី និង ស៊ែបប៊ី ដែលបានផ្តួលរំលំ លោក ស្លូបូដាន ម៉េឡូសូវិច នោះ។ តើការផ្តួលរំលំលោក ស្លូបូដានម៉េឡូសូវិច ជាលទ្ធិប្រជាធិបតេយ្យ ឬតើជាប្រជាធិបតេយ្យនៅប្រទេសណា?

អ្នកនាំពាក្យរូបនេះ ក៏បានសន្និដ្ឋានថា អំពើដែលលោកកឹម សុខា និងថ្នាក់ដឹកនាំគណបក្សប្រឆាំង បាននិង កំពុងអនុវត្តន៍តាំងពី១៩៩៣មក មិនមែនដើរតាមលទ្ធិប្រជាធិបតេយ្យពិតប្រាកដទេ វាគ្រាន់តែយកលទ្ធិ ប្រជាធិបតេយ្យមកបិទបាំងពីមុខដើម្បីលាក់លៀមឧបាយកលទុច្ចរិតរបស់ខ្លួនតែប៉ុណ្ណោះ ។ សរុបមក អំពើដែលលោក កឹម សុខា និងក្រុមមេដឹកនាំបក្សប្រឆាំង បាននិងកំពុងធ្វើ ច្បាស់ណាស់ ជាទម្រង់បដិវត្តន៍ ពណ៌ និងការផ្តួលរំលំ ផ្ទុយពីគោលការណ៍ លទ្ធិប្រជាធិបតេយ្យយ៉ាងពិតប្រាកដមិនអាចប្រកែកបានឡើយ៕