ប្រធានក្រុមការងារចុះជួយសង្កាត់បារាយណ៍ ចុះជួបសួរសុខទុក្ខ សំណេះសំណាល ជាមួយបងប្អូនប្រជាការពារ

នៅថ្ងៃទី១៣ ខែកញ្ញា ឆ្នាំ២០១៧ លោក ហ៊ុន សុខា ប្រធានកិត្តិយសចុះជួយសង្កាត់បារាយណ៍ លោក មូល វិចិត្រ ប្រធានក្រុមចុះជួយសង្កាត់បារាយណ៍ លោក រិន រាវី ក្រុមការងារចុះជួយសង្កាត់បារាយណ៍ ព្រមទាំង អស់លោក លោកស្រី ជាប្រធាន អនុប្រធានចុះជួយភូមិទាំង១៤ ក្នុងសង្កាត់បារាយណ៍ បានអញ្ជើញចុះសួរ សុខទុក្ខ និងសំណេះសំណាលជាមួយបងប្អូនប្រជាការពារ និងបងប្អូន ប្រជាពលរដ្ឋនៅក្នុងសង្កាត់បារាយណ៍ ក្រុងដូនកែវ ខេត្តតាកែវ ចំនួន ២៣២នាក់។

ក្នុងនោះលោក ហ៊ុន សុខា បានឧបត្ថម្តថវិកា ១,២០០,០០០រៀល សម្រាប់ទិញប្រេងម៉ាស៊ូត ៣០០លីត សម្រាប់បូមទឹកដាក់ស្រែ និងលោក មូល វិចិត្រ ព្រមទាំងក្រុមការងារបានឧបត្ថម្ភជូនបងប្អូន ក្នុងម្នាក់ ១០,០០០រៀល សរុប ២,៥០០,០០០រៀលផងដែរ ៕