កាលពីថ្ងៃអង្គារទី៨ ខែសីហា លោក Rex Tillerson ដែលជារដ្ឋមន្រ្តីការបរទេសសហរដ្ឋអាមេរិក បានមកបំពេញទស្សនកិច្ចនៅក្នុងទីក្រុងបាងកក គឺជាផ្នែកមួយនៃដំណើរទស្សនកិច្ចនៅក្នុងតំបន់។ របៀបវារៈសំខាន់ គឺទំនាក់ទំនងរបស់ថៃជាមួយនឹងកូរ៉េខាងជើង ប៉ុន្តែលោក Tillerson ក៏បានបញ្ជាក់ផងដែរ ពីការរៀបចំសម្រាប់នាយករដ្ឋមន្រ្តី Prayut Chan-ocha ដើម្បីឱ្យទៅបំពេញទស្សនកិច្ចនៅក្នុងទីក្រុងវ៉ាស៊ីនតោន នៅខែតុលា ឆ្នាំ២០១៧ និងបានសម្តែងការគោរពចំពោះព្រះសពអតីតព្រះមហាក្សត្រ Bhumibol Adulyadej។
អវត្តមានគួរឱ្យចាប់អារម្មណ៍ពីការលើកឡើងរបស់លោក Tillerson គឺធ្វើឱ្យមានការរិះគន់ពីការធ្លាក់ចុះផ្នែកសិទ្ធិមនុស្សនៅក្នុងប្រទេសថៃ។ វិធីសាស្រ្តដ៏ច្បាស់លាស់នេះ បានបង្ហាញឱ្យឃើញនូវការផ្លាស់ប្តូរគួរឱ្យកត់សម្គាល់នៃទំនាក់ទំនងរវាងថៃ និងអាមេរិក ដែលមានភាពរង្គោះរង្គើយ៉ាងខ្លាំង បន្ទាប់ពីរដ្ឋប្រហារយោធាកាលពីឆ្នាំ២០១៤ ដែលដឹកនាំដោយលោក Prayut។
នេះគឺជាទំនាក់ទំនងល្អូកល្អឺន ដែលបានគំរាមកំហែងជាអចិន្រ្តៃយ៍ដល់លទ្ធិប្រជាធិបតេយ្យដែលកំពុងតែជួបបញ្ហារួចស្រេចទៅហើយនៅក្នុងប្រទេសថៃ។
នៅក្នុងប្រទេសថៃ និមិត្តរូបគឺមានសារៈសំខាន់ណាស់។ នៅក្នុងពេលសង្រ្គាមត្រជាក់ ការប្រកាសពីគាំទ្ររបស់អាមេរិកចំពោះរបបផ្តាច់ការ គឺវាមានសារៈសំខាន់ខ្លាំងណាស់ដើម្បីជួយធានានូវការគ្រប់គ្រងរបស់យោធាភូមិន្ទថៃ។
ប្រទេសថៃនាពេលនេះមានព្រះមហាក្សត្រថ្មី គឺ Maha Vajiralongkorn ដែលឥរិយាបទខុសប្រក្រតី និងបុគ្គលិកលក្ខណៈដ៏រឹងមាំរបស់ទ្រង់បានជួយធ្វើឱ្យការគ្រប់គ្រងបែបផ្តាច់ការមានស្ថិរភាព។ ការបោះឆ្នោតត្រូវបានគេកំណត់នៅឆ្នាំ២០១៨ ប៉ុន្តែរដ្ឋធម្មនុញ្ញថ្មីបានចែងបន្ថែមទៀតដើម្បីកាត់បន្ថយស្ថាប័ន និងនិមិត្តរូបលទ្ធិប្រជាធិបតេយ្យមួយចំនួនជាជាងលើកកម្ពស់វា។
នាពេលកន្លងមក រដ្ឋការរបស់លោក Obama បានបញ្ជាក់យ៉ាងច្បាស់ថា ប្រទេសថៃបានដើរខុសផ្លូវ ហើយទំនាក់ទំនងជានិមិត្តរូប និងមិត្តភាព ដែលបានជួយធានាដល់ការកាន់អំណាចនៃរបបយោធាឱ្យមានការធ្លាក់ចុះយ៉ាងឆាប់។ នៅពាក់កណ្តាលឆ្នាំ២០១៦ ប្រទេសថៃបរាជ័យមិនបានទទួលអាសនៈមិនអចិន្រ្តៃយ៍នៅឯក្រុមប្រឹក្សាសន្តិសុខអង្គការសហប្រជាជាតិ ដែលទទួលបានពិន្ទុចាញ់ប្រទេស Kazakhstan គួរឱ្យអាម៉ាស់ គឺទទួលបានសម្លេងឆ្នោតគាំទ្រត្រឹម៥៥ ទល់នឹង១៩៣។
ប៉ុន្តែការជាប់ឆ្នោតរបស់លោក Donald Trump បានធ្វើឱ្យស្រអាប់ដល់មុខមាត់របស់ប្រទេសថៃ ក្នុងនាមជាប្រទេសប្រជាធិបតេយ្យអាចនឹងវិលទៅរកទំនាក់ទំនងធម្មតា ដែលនឹងរុញច្រានប្រទេសនោះឱ្យក្លាយទៅជាប្រទេសផ្តាច់ការ។ អស់រយៈពេលប៉ុន្មានឆ្នាំរហូតមកដល់ឥឡូវនេះ ជនជាតិថៃដែលប្រឆាំងនឹងលោក Thaksin បានប្រមូលផ្តុំគ្នាប្រឆាំងនឹងទូរទស្សន៍ CNN និងសមភាគីរបស់ខ្លួនថា មិនអាចជឿទុកចិត្តបាន ដែលជំហរនេះដូចគ្នានឹងការប្រកាសប្រចាំថ្ងៃរបស់លោក Trump ថាជាព័ត៌មានក្លែងក្លាយ។ ដោយបានបដិសេធនូវប្រព័ន្ធផ្សព្វផ្សាយអន្តរជាតិសំខាន់នោះ ពួកអភិរក្សនិយម និងពួកអ្នកគាំទ្ររាជានិយមបានក្លាយទៅជាក្រុមអ្នកជាតិនិយមថៃ ហើយអ្នកសារព័ត៌មានអាមេរិកស្តាំនិយម ក៏បានបញ្ជាក់ជាថ្មីនូវគោលជំហរនយោបាយរបស់ពួកគេដែរ៕
ប្រភព: East Asia Forum ចុះថ្ងៃទី១៥ ខែសីហា ឆ្នាំ២០១៧
No comments:
Post a Comment