ប្រជាពលរដ្ឋ ២៥០គ្រួសារ មានជីវភាពខ្វះខាតដោយសាររងគ្រោះទឹកជំនន់ ទទួលបានអំណោយមនុស្សធម៌ជាស្បៀងអាហារក្នុងស្ថានភាពជួយសង្គ្រោះបន្ទាន់

 បន្ទាយមានជ័យ៖ នៅថ្ងៃទី៣១ ខែតុលា ឆ្នាំ២០២០ លោកឧត្តមសេនីយ៍ត្រី សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការចូលរួមពីលោកទូច សីហា លោក នង ធឿន អភិបាលរងស្រុក កងកម្លាំងនគរបាល មន្ត្រីអ្នមុខអ្នកការ បានអញ្ចើញចុះជួបសំណេះសំណាលសួរសុខទុក្ខ និងនាំយកអំណោយផ្តល់ជូន ពុកម៉ែបងប្អូនប្រជាពលរដ្ឋដែលរងគ្រោះដោយសារទឹកជំនន់ និងគ្រួសារក្រីក្រចំនួន២៥០គ្រួសារ នៅវត្តសិលាអណ្តែត ភូមិប៉ោយវត្ត ឃុំចង្ហា ស្រុកអូរជ្រៅ ខេត្តបន្ទាយមានជ័យ ដោយក្នុង១គ្រួសារទទួលបាន៖ អង្ករ ២៥គីឡូក្រាម មី ១កេះ ទឹកត្រី១យួរ ទឹកស៊ីអ៊ីវ១យួរ ភួយ ១ ទឹកសុទ្ធ១យួរ ត្រីខ ១យួរ ដែលជាអំណោយរបស់អ្នកឧញ៉ា កុក អាន សមាជិកព្រឹទ្ធសភា និងលោកស្រី ភូ ឆរីណា អគ្គនាយិកាក្រុមហ៊ុនហ្គោឌិនក្រោនរីសត។

លោកឧត្តមសេនីយ៍ត្រី សិទ្ធិ ឡោះ បានពាំនាំការផ្តាំផ្ញើរសាកសួរសុខទុក ក្តីនឹករលឹកពីសំណាក់នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានក្រុមការងារថ្នាក់កណ្តាលចុះជួយខេត្តបន្ទាយមានជ័យ និងលោកស្រីឧកញ៉ា ម៉ៅ ម៉ាល័យ ដែលជានិច្ចកាលតែងតែយកចិត្តទុកដាក់ដល់សុខទុក្ខលំបាករបស់បងប្អូនពុកម៉ែគ្រប់ពេលវេលា ។ នាឱកាសនោះផងដែរ ជួសមុខឱ្យលោក អ៊ុ រាត្រី អភិបាលខេត្តបន្ទាយមានជ័យ លោកឧត្តមសេនីយ៍ សិទ្ធិ ឡោះ ក៏បានសម្តែងនូវសោកស្តាយ និងរំលែកនូវការលំបាកជាមួយពលរដ្ឋរងគ្រោះដោយទឹកជំនន់ទាំងអស់។

ក្នុងឱកាសនោះលោកឧត្តមសេនីយត្រី សិទ្ធ ឡោះ ស្នងការនគរបាលខេត្ត បានមានប្រសាសន៍បន្តថា អំណោយទាំងអស់នេះ ទោះជាមិនបានគ្រប់ តម្រូវការរបស់បងប្អូនក៏ពិតមែនតែក៏អាចជួយសម្រាលទុក្ខលំបាករបស់បងប្អូនបានមួយគ្រាផងដែរ។ ទន្ទឹមនោះដែរ លោកស្នងការនគរបាលខេត្ត បានថ្លែងអគុណចំពោះម្ចាស់អំណោយដែលបានយកចិត្តទុកដាក់និងមើលឃើញពីទុកលំបាករបស់ប្រជាពលរដ្ឋ ដែលមានជីវភាពខ្វះខាតកំពុងជួបគ្រោះទឹកជំនន់នេះ។

ជាមួយគ្នានោះដែរ ក៏បានធ្វើការផ្តាំផ្ញើដល់ប្រជាពលរដ្ឋទាំងអស់មានការប្រុងប្រយ័ត្នខ្ពស់ចំពោះកូនតូចៗធ្លាក់ទឹកត្រូវរក្សាបរិស្ថានអនាម័យឱ្យបានល្អពិសេសកុំភ្លេចអនុវត្តតាមការណែនាំរបស់ក្រសួងសុខាភិបាលទាំងអស់គ្នាដើម្បីជៀសវាងការឆ្លងជំងឺកូវីដ-១៩ក្នុងសហគមន៍។ឱកាសនោះលោកឧត្តមសេនីយ៍ស្នងការ ក៏បាននាំយកអំណោយដ៏ថ្លៃថ្លារបស់លោកឧបនាយករដ្ឋមន្ត្រី កែ គឹមយ៉ាន និងភរិយា ឧបត្ថម្ភប្រជាការពារ១០០នាក់ក្នុងម្នាក់ទទួលបានសារ៉ុង១ និងថវិកាចំនួន ៥០០០០០រៀលជូនដល់គណៈកម្មាការវត្តសំរាប់ចាត់ចែងប្រើប្រាស់ជាផលបុណ្យផងដែរ ៕