លោក អ៊ុក រ៉ាប៊ុន ដឹកនាំក្រុមការងារប្រារព្ធពិធីបុណ្យវេរប្រគេនបច្ច័យសម្រាប់ធ្វើការកសាងវត្តចំនួន០២ នៅក្នុងស្រុករលាប្អៀរ

 កំពង់ឆ្នាំង៖ នៅថ្ងៃទី៣១ ខែតុលា ឆ្នាំ២០២០ លោក អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង លោក ភួង សោភា រដ្ឋលេខាធិការ និងជាប្រធានក្រុមការងារថ្នាក់កណ្ដាលចុះជួយឃុំជើងគ្រាវ លោក ប៉ា សុខុម អនុរដ្ឋលេខាធិការ និងជាប្រធានក្រុមការងារថ្នាក់កណ្ដាលចុះជួយឃុំស្វាយជ្រុំ លោក គឹម វាសនា អគ្គាធិការ បានអញ្ជើញប្រគេនបច្ច័យសំរាប់កសាងចំនួន ០២វត្ត នៅក្នុងស្រុករលាប្អៀរ ខេត្តកំពង់ឆ្នាំង។

សូមជម្រាបជូនផងដែរថា វត្តចំនួន ០២ ដែលបានទទួលបច្ច័យ គឺវត្តព្រះរាមរង្សី ស្ថិតនៅភូមិព្រះរាមរង្សី ឃុំជ្រៃបាក់ និងវត្តវិហារលួង ស្ថិតនៅភូមិ អណ្ដូងច្រោះ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង ដោយក្នុង១វត្តទទួលបានបច្ច័យ ១០ លានរៀល៕