នៅសាលាខេត្តកំពង់ឆ្នាំង កាលពីព្រឹកថ្ងៃទី២៩ ខែមិថុនា ឆ្នាំ២០១៧ ក្រុមប្រឹក្សាខេត្តបានដំណើរការកិច្ចប្រជុំ សាមញ្ញលើកទី៣៧ អាណត្តិទី២ ប្រចាំខែមិថុនា ឆ្នាំ២០១៧ ក្រោមអធិបតីភាពលោក ម៉ែន ធឿន សមាជិកក្រុមប្រឹក្សាខេត្ត និងលោក សៀត គឹមលៀង អភិបាលរងខេត្ត។
កិច្ចប្រជុំនោះមានការចូលរួមដូចជា លោក លោកស្រី សមាជិក សមាជិកាក្រុមប្រឹក្សាខេត្ត លោក លោកស្រីប្រធាន អនុប្រធានមន្ទីរជុំវិញខេត្ត នាយក នាយករងទីចាត់ការទាំង៥សលាខេត្ត សរុប៤៤នាក់។
លោក ម៉ែន ធឿន បានឲ្យដឹងថា បន្ទាប់ពីមានការពិភាក្សាយ៉ាងផុលផុស អង្គប្រជុំក្រុមប្រឹក្សាបានអនុម័តលើ៖ ១-សេចក្ដីព្រាងរបៀបវារៈកិច្ចប្រជុំសាមញ្ញលើកទី៣៧ ២-កំណត់ហេតុនៃកិច្ចប្រជុំសាមញ្ញលើកទី៣៦ ៣- របាយការណ៍សកម្មភាពគ្រប់វិស័យខែមិថុនា របស់រដ្ឋបាលខេត្ត ៤-សេចក្ដីណែនាំរៀបចំកម្មវិធីវិនិយោគបីឆ្នាំរំកិល(២០១៨-២០២០) ៥-ប្រតិទិនប្រជុំប្រចាំខែរយៈពេល១២ខែ(២០១៧-២០១៨) របស់ក្រុមប្រឹក្សាខេត្ត៕
No comments:
Post a Comment