បោះឆ្នោតជូនគណបក្សប្រជាជន​កម្ពុជា​គឺបោះឆ្នោត​ដើម្បីខ្លួនឯង​ដើម្បីសុខសន្តិភាព​ ស្ថិរភាពសង្គម​ និងការអភិវឌ្ឍ​

លោក សុខ ផេង ប្រធានក្រុមការងារថ្នាក់កណ្ដាលចុះជួយស្រុកទ្រាំង និងលោក សុខ ពុទ្ធិវុធ អនុប្រធានទី១ បានចុះជួបសំណេះសំណាល ក្នុងពិធីបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំខ្វាវ អាណត្តិទី៤ ក្នុងភូមិសម៉រក្រោម ឃុំខ្វាវ ស្រុកទ្រាំង ខេត្តតាកែវ នាព្រឹកថ្ងៃទី៣១ខែឧសភាឆ្នាំ២០១៧ ដោយមានអ្នកចូលរួមប្រមាណ ៧០០នាក់។

គណៈអធិបតី បានបញ្ជាក់ច្បាស់ថាមានតែគណបក្សប្រជាជនតែប៉ុណ្ណោះ ដែលបានរំដោះប្រទេសពីរបបប្រល័យពូជសាសន៍ ប៉ុល ពត ហើយកសាងសមិទ្ធផលដ៏ច្រើននៅមូលដ្ឋានមាន ផ្លូវ ប្រឡាយ សាលារៀនរហូតដល់ថ្នាក់វិទ្យាល័យនៅឃុំ តបណ្តាញអគ្គិសនីបានគ្រប់ភូមិ ហើយបានបញ្ចុះតម្លៃអគ្គិសនី បញ្ចុះតម្លៃការប្រាក់ជាដើម។

លោក សុខ ផេង ក៏បានអំពាវនាវសូមឱ្យបងប្អូនប្រជាពលរដ្ឋអញ្ជើញទៅបោះឆ្នោតទាំងអស់គ្នា និងសូមបោះឆ្នោតអោយគណបក្សប្រជាជន ដើម្បីភូមិឃុំ និងមូលដ្ឋានរបស់យើងបន្តរីកចំរើនទៅមុខទៀត៕