គណបក្សសង្គ្រោះជាតិដែលដឹងថា
ជាគណបក្សនយោបាយមួយដែលមាននិន្នាការប្រឆាំងរាជរដ្ឋាភិបាលស្របច្បាប់រហូតមក
ដែលមានលោកសម រង្ស៊ី
និងលោក កឹម សុខា ជាប្រធាន និងជាប្រធានស្តីទីរបស់គណបក្សនេះដែលអ្នកទាំងពីរនេះកំពុងតែជាប់ពាក់ព័ន្ធក្នុងបទល្មើសរៀងៗខ្លួន
និងកំពុងតែប្រឈមមុខ នឹងនីតិវីធីច្បាប់។ ជានិច្ចកាលលោកសម
រង្ស៊ី និងលោក កឹម សុខាគឺជាអ្នកបង្កឱ្យមានភាពអនាធិបតេយ្យ
និងអស្ថិរភាពសង្គម បង្កើតជាភាពវឹកវរ រញ៉េរញ៉ៃបំភ្លៃ បំភ័ន្ដ បំពុល ញុះញង់
ដុតកំហឹង និងការរំខានផ្សេងទៀតទៅដល់ការរស់នៅប្រចាំថ្ងៃរបស់ប្រជាពលរដ្ឋ។
គ្មានលោកកឹម
សុខា និងលោក សម រង្ស៊ី ចូលរួមក្នុងការបោះឆ្នោត គឺវាមិនល្អមើល ឬ ល្អស៊ី មែនឬទេ?
ថ្នាក់ដឹកនាំគណបក្សប្រឆាំងធ្លាប់អះអាងថា
គណបក្សសង្គ្រោះជាតិ គឺដឹកនាំជាប្រព័ន្ធ មានរចនាសម្ព័ន្ធដឹកនាំច្បាស់លាស់
និងក្បាលម៉ាស៊ីនត្រឹមត្រូវ ដូច្នេះទោះអត់មានគាត់ពីរនាក់ហ្នឹង ក៏គណបក្សសង្គ្រោះជាតិ
នៅតែអាចដំណើរការ និងធ្វើការបំរើប្រជាពលរដ្ឋទៅបានដែរ ព្រោះមានថ្នាក់ដឹកនាំ
និងយុវជនជាច្រើនទៀតដែររង់ចំបន្តវេន ដូច្នេះហេតុអ្វីពេលនេះលោក សម រង្ស៊ី
និងលោក កឹម សុខា មិនអនុវត្តតាមការលើកឡើងរបស់ខ្លួនទៅវិញ ហេតុអ្វីក៏ចាំបាច់ធ្វើស្លន់ស្លោ ស្រែករកបរទេសមកជួយ ក្រែងមានលោកសម
រង្ស៊ី និងលោកកឹម សុខា រាប់រយនាក់ទៀត ចាំដឹកនាំ ហេតុអ្វីមិនអោយពួកគេដឹកនាំទៅ
ចាំបាច់សុំអន្តរាគមន៍ធ្វើអ្វី? ដូច្នេះទោះបីជាគ្មានលោកកឹម
សុខា និង សម រង្ស៊ី ចូលរួម ក្នុងការបោះឆ្នោតក៏ដំណើរការនៃការបោះឆ្នោតប្រព្រឹត្តិទៅជាប្រក្រតីដែរ៕
No comments:
Post a Comment