យើងបានដឹងហើយថា គោលនយោបាយនិងប្រវត្តិនយោបាយរបស់គណបក្សប្រឆាំងគ្មានភាពសុច្ចរិតនោះទេមានតែការបង្ករឱ្យមានភាពវឹកវរ
រញ៉េរញ៉ៃ បំភ្លៃ បំភ័ន្ដ បំពុល ញុះញង់អោយប្រជាពលរដ្ឋមានការយល់ច្រលំទៅលើស្ថានភាពនយោបាយរបស់កម្ពុជាថា
អាក្រក់ដែលវាខុសពីការពិត យ៉ាងណាមិញ ដូចជាការប្រមូលស្នាមមេដៃជាដើម
ប៉ុន្តែប្រជាពលរដ្ឋមួយចំនួនពួកគាត់មិនបានដឹងអ្វីសោះបែរជាគណបក្សសង្រ្គោះជាតិយកឈ្មោះពួកគាត់ទៅប្រើប្រាស់ទៅវិញ។
អ្វីដែលប្រជាជនមួយចំនួនងឿងឆ្ងល់នោះគឺស្នាមមេដៃមិនមែនជារបស់ពួកគាត់ដែលតំណាងរាស្ត្រគណបក្សប្រឆាំងបានដាក់ហែញត្តិដោយថា មានស្នាមមេដៃប្រជាពលរដ្ឋជាង១៧ម៉ឺននាក់ដើម្បីស្នើសុំព្រះមហាក្សត្រអន្តរាគមន៍ដោះលែង មន្រ្តីសិទ្ធិមនុស្ស មន្រ្តី គ.ជ.ប
តំណាងរាស្ត្រគណបក្សប្រឆាំងចំនួន២រួប និងសកម្មជននយោបាយដែលកំពុងជាប់ឃុំ
ព្រមទាំងសុំបញ្ឈប់ការតាមចាប់ខ្លួន លោក កឹម សុខា។
ការសង្ស័យពីស្នាមមេដៃដែលអាចមានការបោកប្រាស់ប្រជាពលរដ្ឋ
និងមានការបន្លំនេះហើយទើបព្រះមហាក្សត្របានប្រគល់ភារកិច្ចក្នុងការត្រួតពិនិត្យនូវស្នាមមេដៃទៅអោយរាជរដ្ឋាភិបាលកម្ពុជា
ហើយរាជរដ្ឋាភិបាលក៏បានចាត់ចែង និងសម្រេចជូនភារកិច្ចនេះទៅរដ្ឋមន្រ្តីក្រសួងមហាផ្ទៃបើកការស្រាវជ្រាវទៅលើស្នាមមេដៃប្រជាពលរដ្ឋ ដែលគណបក្សសង្រ្គោះជាតិបានហែរញត្តិថ្វាយព្រះមហាក្សត្រ
កាលពីថ្ងៃទី៣០ ឧសភានេះ ដើម្បីចៀសវាងការប្រើប្រាស់ស្នាមមេដៃបោកប្រាស់។
អ្វីដែលគួរអោយកត់សំគាល់នោះ មិនទាន់នឹងបើកការស្រាវជ្រាវផងគណបក្សសង្គ្រោះជាតិបានបង្ហាញភាពផ្ចាញ់ផ្ចាលដោយនឹកឃើញវិធីមួយទៀតដែលអាចធ្វើអោយសង្គមវឹកវរចលាចល
គឺចង់ឱ្យប្រជាពលរដ្ឋដែលខ្លួនអះអាងជាម្ចាស់ស្នាមមេដៃរាប់ម៉ឺននោះឡើងមកប្រមូលផ្តុំគ្នានៅទីក្រុងភ្នំពេញក្នុងលេសផ្ទៀងផ្ទាត់ស្នាមមេដៃ។
ប៉ុន្តែការធ្វើកោសល្យវិច្ច័យមិនទាមទារអោយមានការប្រមូលផ្តុំហ្វូងប្រជាជន
ច្រើននោះទេ គឺសមត្ថកិច្ច ធ្វើការផ្ទៀងផ្ទាត់ផ្អែកលើការងារបច្ចេកទេសជំនាញតែប៉ុណ្ណោះ។ នេះសរបញ្ជាក់អោយឃើញថា គណបក្សសង្រ្គោះជាតិបានបង្ហាញនូវភាពថោកទាប
របស់ខ្លួនក្នុងចេតនាកេណ្ឌកម្លាំងមហាជនដើម្បីប្រឆាំងច្បាប់នៃព្រះរាជាណា
ចក្រកម្ពុជាក្នុងន័យការពារនូវទោសកំហុសបក្សពួករបស់ខ្លួន។ អ្វីដែលក្រសួងមហាផ្ទៃ និងត្រៀមធ្វើក្នុងកិច្ចការត្រួតពិនិត្យស្នាមមេដៃនេះ
គឺជារបៀបរបបការងារដែលប្រទេសទាំងអស់លើពិភពលោកធ្វើដូចគ្នា មិនមែនមានតែកម្ពុជាទេ។ ក្នុងន័យថា គឺគេអាចធ្វើឡើងតែទៅលើស្នាមមេដៃណាដែលមានលក្ខណៈជាសញ្ញាពាក់ព័ន្ធ និងការបន្លំតែប៉ុណ្ណោះសូម្បីតែការស្ទង់មតិលើបញ្ហាអ្វីមួយ
ក៏គេធ្វើឡើងតែក្នុងចំណោមមនុស្សតែមួយភាគតូចប៉ុណ្ណោះដើម្បីងាយស្រួលបញ្ជាក់ពីសុក្រិតភាព។
វាជារឿងគួរអោយសង្ស័យបំផុតដែលគណបក្សប្រឆាំងបានប្រមូលនូវស្នាមមេដៃប្រជាជនដល់ទៅជាង១៧ម៉ឺននាក់ឯណោះ
បន្ទាប់ពីបានលឺថារាជរដ្ឋាភិបាលស្របច្បាប់បានចាត់ចែងអោយមានការស្រាវជ្រាវអោយច្បាស់លាស់
ហេតុអ្វីបានជាគណបក្សសង្រ្គោះជាតិមានការភិតភ័យហើយបានធ្វើការបំផុសបំផុលអោយមានប្រជាពលរដ្ឋឡើងមកភ្នំពេញក្នុងគោលបំណងអ្វី? ឬក៏ចង់ធ្វើបដិវត្ត?
No comments:
Post a Comment