នៅព្រឹកថ្ងៃទី០២ ខែមិថុនា ឆ្នាំ២០១៦ លោកជំទាវឧបនាយករដ្ឋមន្រ្តី ម៉ែន សំអន រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា
និងអធិការកិច្ច បានអនុញ្ញាតិឲ្យគណៈប្រតិភូ វៀតណាម ដឹកនាំដោយ ឯកឧត្តម ឌិញ ឡាថាំង
Dinh
La Thang សមាជិកការិយាល័យនយោបាយមជ្ឈឹមបក្សកុម្មុយនិស្តវៀតណាម
និងជាលេខាបក្សក្រុងហូជីមិញបានចូលសម្តែងការគួរសម និងពិភាក្សាការងារនៅទីស្តីការក្រសួង។
នាឱកាសនោះលោកជំទាវក៏បានមានប្រសាសន៍ថា ៖ ទំនាក់ទំនងរវាងកម្ពុជា
និងវៀតណាមគឺត្រូវពង្រឹងក្រោមកិច្ចសហប្រតិបត្តិការ រវាង ប្រទេសទាំងពីរ ជាពិសេស
រវាងទីក្រុងហូជីមិញ ជាមួយនឹងរាជធានីភ្នំពេញ ដែលបានធ្វើឲ្យមានការរីកចម្រើនជាលំដាប់លើវិស័យការទូត
វិស័យកសិកម្ម វិស័យសេដ្ឋកិច្ច វិស័យអប់រំ និង វិស័យសុខាភិបាល ។
ឯកឧត្តម ឌិញ ឡាថាំង Dinh La Thang ក៏បានថ្លែងអំណរគុណដល់រាជរដ្ឋាភិបាលកម្ពុជាដែលតែងតែជួយ ពង្រឹង
និងជម្រុញនូវចំណងមិត្តភាព នេះឲ្យកាន់តែប្រសើរឡើង ហើយសម្តេចតេជោ ហ៊ុន សែន
តែងតែជួយបង្ករលក្ខណៈងាយស្រួលដល់អ្នកវិនិយោគទុន វៀតណាមមកធ្វើការបណ្តាក់
ទុននៅព្រះរាជាណាចក្រកម្ពុជា ដែលមានការកើនឡើងជាលំដាប់។
ជាការឆ្លើយតបលោកជំទាវក៏បានកោតសរសើរ និងវាយតម្លៃខ្ពស់នូវលទ្ធផលនៃសាមគ្គីភាពនៃប្រទេសទាំងពីរ ក្នុងការគាំទ្រ និងជម្រុញក្នុងការបង្ករ លក្ខណៈងាយស្រួលដល់បណ្តាវិនិយោគទុនវៀតណាមដែលមានបំណង ចង់មកបណ្តាក់ទុកធ្វើការវិនិយោគនៅក្នុងព្រះរាជាណាចក្រកម្ពុជា៕
No comments:
Post a Comment