យោងតាមសេចក្តីប្រកាសព័ត៌មានរបស់ក្រសួងបរិស្ថានចុះថ្ងៃទី០២
ខែមិថុនា ឆ្នាំ២០១៦នេះបានឲ្យដឹងថា ក្រសួងបរិស្ថាន និងក្រសួងអប់រំ យុវជន
និងកីឡា ជម្រាបជូន
សាធារណជន ប្រព័ន្ធផ្សព្វផ្សាយព័ត៌មានជាតិ
និងអន្តរជាតិឲ្យដឹងថា ក្រសួងទាំងពីរនឹងសហការរៀបចំប្រារព្ធទិវាបរិស្ថានជាតិ
និងបរិស្ថានពិភពលោកនៅថ្ងៃទី០៥ ខែមិថុនា ក្រោមប្រធានបទ ចូលរួមទាំងអស់គ្នាដើម្បីពិភពលោកស្រស់ស្អាត
នាថ្ងៃទី០៥ ខែមិថុនា ឆ្នាំ២០១៦ វេលាម៉ោង
៧: ០០ នាទី ដល់ម៉ោង ១១: ០០នាទី នៅក្នុងបរិវេណវិទ្យាល័យ
ឥន្ទ្រទេវី ក្រោមអធិបតីភាព ឯកឧត្តម
សាយ សំអាល់ រដ្ឋមន្ត្រីក្រសួងបរិស្ថាន និងឯកឧត្តមបណ្ឌិត ហង់ ជួន ណារ៉ុន
រដ្ឋមន្ត្រីក្រសួងអប់រំ យុវជន និងកីឡា និងមានការអញ្ជើញចូលរួមពីអាជ្ញាធរដែនដីគ្រប់លំដាប់ថ្នាក់
មន្ត្រីរាជការ បុគ្គលិកអប់រំ និស្សិត សិស្សានុសិស្ស
និងដៃគូអភិវឌ្ឍនានាសរុបចំនួន
១៥០០នាក់។
សេចក្តីប្រកាសព័ត៌មានក៏បានឲ្យដឹងទៀតថា ការរៀបចំនេះគឺជាលើកទី១ ដែលក្រសួង
បរិស្ថាន និងក្រសួងអប់រំ យុវជន និងកីឡា បានប្រារព្ធរួមគ្នានូវទិវា
បរិស្ថានជាតិ និង
បរិស្ថានពិភពលោក ៥ មិថុនា ក្នុងគោលបំណងដើម្បីបញ្រ្ជាបការយល់ដឹងអំពីបរិស្ថានទៅដល់មន្ត្រីរាជការ
បុគ្គលិកអប់រំ និស្សិត សិស្សានុសិស្ស និងសាធារណៈជន សំដៅលើកកម្ពស់គុណភាពបរិស្ថាន
ក៏ដូចជាកែប្រែផ្នត់គំនិត ឥរិយាបថប្រជាជនឲ្យស្រលាញ់បរិស្ថាន មានស្មារតីចូលរួមក្នុងកិច្ចគាំពារបរិស្ថាន
ការពារធនធានធម្មជាតិ ការអភិរក្សជីវៈចម្រុះ និងការរស់នៅប្រកបដោយចីរភាព៕
No comments:
Post a Comment