បន្ទាប់ពីសាធារណជន
បានដឹងពីរឿងអាស្រូវស្នេហាលួចលាក់ដែលមិនអាចប្រកែកបាន និង ប្រើយុទ្ធសាស្រ្តបីមិន (មិនឆ្លើយ មិនឆ្លង មិនឈ្លោះ) រួចមក បានធ្វើឱ្យលោក កឹម សុខា រងនូវភាពអាម៉ាស់ចំពោះប្រជាពលរដ្ឋខ្មែរជាពិសេសអ្នកគាំទ្ររបស់ខ្លួន ដែលតែងតែបានផ្តល់សេចក្តីជឿជាក់ចំពោះការគ្រប់គ្រងដឹកនាំរបស់លោក។ គណបក្សសង្រ្គោះជាតិ ក្រោមការដឹកនាំរបស់លោកប្រធាន សម រង្ស៊ី និងលោកអនុប្រធាន កឹម សុខា ត្រូវបានប្រជាពលរដ្ឋមើលឃើញថា មានតែការបង្កឱ្យមានភាពវឹកវរ ចលាចលសង្គម ដូចជាការកៀងគរកម្លាំង
មហាជនធ្វើបាតុកម្មរហូតឈានដល់កុប្បកម្មហិង្សានៅផ្លូវវ៉េងស្រេង
និងស្ពាននាគប្រឆាំងនឹងលទ្ធផលនៃការបោះឆ្នោតឆ្នាំ២០១៣ជាដើម។
បន្ទាប់ពីបដិសេធក្នុងការចូលបំភ្លឺ ហើយក៏បានជាប់ពាក់ព័ន្ធក្នុងបទល្មើសនោះ
លោក កឹម សុខា កំពុងតែឃុំឃាំងខ្លួនឯងនៅក្នុងស្នាក់ការកណ្តាលគណបក្ស សង្រ្គោះជាតិនៅចាក់អង្រែលើ ខណៈដែលផ្ទៃក្នុងគណបក្សប្រឆាំងមួយនេះ កំពុងតែស្រែកប្រកូកប្រកាសឱ្យប្រជាពលរដ្ឋធ្វើដំណើរមកទីក្រុងភ្នំពេញដើម្បីតវ៉ា ក្នុងករណីមានការចាប់ខ្លួនលោក កឹម សុខា តែការពិតសមត្ថកិច្ចមិនទាន់ទទួលបានការណែនាំណាមួយពីស្ថាប័នតុលាការនៅឡើយទេ ក្រោយពេលដែលសំណុំរឿងរបស់លោក កឹម សុខា ត្រូវបានចោទប្រកាន់ និងបញ្ជូនទៅចៅក្រមស៊ើបសួរ។
ក្នុងខណៈនេះ បក្សប្រឆាំងដែលតែងប្រកាន់យកទម្លាប់ផ្គើននឹងច្បាប់
ក៏បានប្រកូកប្រកាសឱ្យ អ្នកគាំទ្ររបស់ខ្លួនផ្តិតមេដៃយ៉ាងប្រញាប់ប្រញាល ដែលទទួលបានចំនួនយ៉ាងច្រើនគួរឱ្យកត់
សម្គាល់គឺប្រមាណជិត ២០ម៉ឺននាក់ ដែលនាំឱ្យមានការសង្ស័យពីបទក្លែងបន្លំស្នាមមេដៃបោក
ប្រជាពលរដ្ឋ និងព្រះមហាក្សត្របន្ទាប់ពីមានការបែកធ្លាយនូវវីដេអូឃ្លីបមួយដែលបានបង្ហោះ
ផ្សាយនៅតាមបណ្តាញទំនាក់ទំនងសង្គម។បន្ទាប់ពីមានការបែកធ្លាយវីដេអូក្លែងស្នាមមេដៃរួចមកព្រះមហាក្សត្រ ក៏បានត្រាស់បង្គាប់រាជរដ្ឋាភិបាលកម្ពុជាហើយរដ្ឋាភិបាលក៏បានសម្រេចឱ្យក្រសួងមហាផ្ទៃ រៀបចំឱ្យការស្រាវជ្រាវនូវស្នាមមេដៃ តាមរយៈការធ្វើកោសល្យវិច្ច័យ ការស្រាវជ្រាវពីប្រជាជនដោយផ្ទាល់ និងតាមមធ្យោបាយផ្សេងទៀត ដែលអាចរកឃើញនូវភាពត្រឹមត្រូវ។
អ្នកវិភាគមួយចំនួនក៏បានលើកឡើងថា ប្រសិនជាញត្តិអាចផ្អាកដំណើរការផ្លូវច្បាប់របស់តុលាការលើបុគ្គលដែលប្រព្រឹត្តល្មើសច្បាប់នោះ ប្រទេសមួយនឹងលែងមានច្បាប់ ហើយគ្រួសារជនល្មើសនឹងនាំគ្នាធ្វើញត្តិ ដើម្បីដោះលែងអ្នកប្រព្រឹត្តល្មើសច្បាប់ តើសង្គមបែបនេះនឹងទៅជាយ៉ាងណា? តើនឹងមានអ្វីកើតឡើង ប្រសិនបើមានភាពមិនប្រក្រតីណាមួយក្នុងចំណោមស្នាមមេដៃដែលអះអាងថាជារបស់ប្រជាពលរដ្ឋនោះ?
ទោះបីជាឃើញវិធានការណ៍តាមនីតិវិធីផ្លូវច្បាប់ របស់ក្រសួងមានសមត្ថកិច្ចរួចមកក៏ដោយ
គណបក្សសង្គ្រោះជាតិ នៅតែបន្តធ្វើការញុះញង់ និងបំភ័ន្តសាធារណមតិជាតិ ដោយចង់ឱ្យមានការកេណ្ឌម្ចាស់ស្នាមមេដៃទាំងអស់មកផ្ទៀងផ្ទាត់នៅមុខព្រះបរមរាជវាំង។ បក្សប្រឆាំងគឺ ព្យាយាម រកលេសដោះសារការពាររឿងបុគ្គលផ្ទាល់ខ្លួនរបស់លោក
កឹម សុខា ដោយចោទថារដ្ឋាភិបាល នឹងមិនហ៊ានឱ្យគណបក្សប្រឆាំងកេណ្ឌមនុស្សទេ ព្រោះថាកំសាក រឺទន់ខ្សោយ ខ្លាចការពិតជាដើម។ គណបក្សប្រឆាំង មានចេតនាបង្ករឿងតូច អោយទៅជាធំ ខិតខំរកនីតិវិធីនានា បំផុសសាធារណជនអោយខឹងស្អប់រដ្ឋាភិបាល និងបង្កើតយុទ្ធវិធីបង្វែររឿងដែលជាវិធីនាំឱ្យមានគ្រោះថ្នាក់ដល់ជាតិទាំងមូលធ្លាក់ចូលក្នុងភាពចលាចលជាដើម
ដែលអាចប៉ះពាល់ដល់សន្តិសុខ និងជីវភាពរស់នៅប្រចាំថ្ងៃរបស់ប្រជាពលរដ្ឋ។
ដូច្នេះ គេមិនទាន់ដឹងថានៅក្នុងស្ថានភាពបែបនេះតើរាជរដ្ឋាភិបាលសុខចិត្តឱ្យគេថាកំសាកចុះដើម្បីរក្សាស្ថិរភាពនយោបាយសន្តិសុខសង្គមរក្សា សន្តិភាពប្រទេសជាតិទាំងមូលរឺក៏បើកដៃអោយគណបក្សប្រឆាំងធ្វើតាមចិត្តក្នុងការកេណ្ឌកម្លាំងមនុស្សផ្កើននឹងច្បាប់និងបង្កចលាចលក្នុងសង្គមដែលកំពុងតែមានសុខសន្តិភាពនិងរីកចម្រើនទៅមុខជាលំដាប់ដូចសព្វថ្ងៃនេះ។
គណបក្សប្រឆាំង គ្រប់មាត់សុទ្ធតែថា គោរពច្បាប់ និងចង់បាននីតិរដ្ឋ តែទង្វើរបស់ពួកគេគឺផ្ទុយគ្នាស្រឡះជាទង្វើល្មើសច្បាប់ អង្គុយលើច្បាប់បំពុលសាធារណមតិ បំភ្លៃការពិតនិងល្បិចកិច្ចកលគ្រប់ស្នៀតដើម្បីមហិច្ឆិតាអំណាច តែប៉ុណ្ណោះដោយពុំខ្វល់ពីសុខទុក្ខ និងអាយុជីវិតរបស់ប្រជាពលរដ្ឋឡើយ៕
No comments:
Post a Comment