លោកនាយករដ្ឋមន្រ្តី ហ៊ុន សែន បានថ្លែងថា កម្ពុជាកំពុងមានតម្រូវការអគ្គិសនីចម្រុះ គ្រប់ទីកន្លែង គឺទាំងវារីអគ្គិសនី និង ថាមពលអគ្គិសនីប្រើដោយធ្យូងថ្ម។ បើតាមការបញ្ជាក់របស់ លោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី ក្រោយជំនួបពិភាក្សាការងារ និងសម្តែងការគួរសមនេះ បានឱ្យដឹងថា បច្ចុប្បន្នក្រុមហ៊ុន GE មានគម្រោងលើវិស័យសំខាន់ៗចំនួន២ គឺវិស័យអគ្គិសនី និងវិស័យសុខាភិបាល ដែលទាក់ទងនឹងឧបករណ៍ពេទ្យដែលកន្លងមកត្រូវបាន ប្រើក្នុងមន្ទីរពេទ្យជាច្រើនមកហើយ។ ដោយឡែក ក្រុមហ៊ុន GE បានជួយក្នុងជំហ៊ានទី១ក្នុងការជំរុញការប្រើប្រាស់ទឹកស្អាតនៅតាមមន្ទីរពេទ្យចំនួន១២រួចមកហើយនៅកម្ពុជា។ ក្រុមហ៊ុន GE នឹងបន្តជំហានទី២ក្នុងការប្រើប្រាស់ទឹកស្អាតនេះនៅតាមមន្ទីរពេទ្យចំនួន១២ផ្សេងទៀតនៅកម្ពុជា។
ជាចំនុចសំខាន់មួយទៀតក្នុងជំនួបពិភាក្សាការងារនេះ លោកនាយករដ្ឋមន្រ្តី ហ៊ុន សែន បានថ្លែងបញ្ជាក់ថា នឹងស្នើសុំដល់ព្រះមហាក្សត្រឱ្យលោក ចន រ៉ាយ មានតួនាទីជាទីប្រឹក្សារាជរដ្ឋាភិបាលកម្ពុជា ដោយសារលោកមានបទពិសោធន៍ច្រើន ក្នុងកិច្ចការអភិវឌ្ឍន៍នៅកម្ពុជា និងដោយសារ លោក ចនរ៉ាយ នឹងត្រូវចូលនិវត្តន៌ពីការងារនៃក្រុមហ៊ុន GE ផងនោះ។
ជាការឆ្លើយតប លោក ចនរ៉ាយ បានសម្តែងនូវមោទនភាពក្នុងការទទួលយកតួនាទីនេះ ដោយលោកសន្យាថានឹងខិតខំចូលរួមបំរើដល់ការអភិវឌ្ឍរបស់កម្ពុជា៕
No comments:
Post a Comment