អ្នក​ជំនាញស​ម្រេច​កាប់​ដើមស្ពង់​ងាប់​មួយដើម​នៅប្រាសា​ទតាព្រហ្ម ដើម្បី​បញ្ជៀសហា​និភ័យ​ប្រាសាទ និងរក្សាសុវត្ថិភាពភ្ញៀវទេសចរ

ដើម្បីរក្សាបាននូវសុវត្ថិភាពជូនភ្ញៀវទេសចរជាតិ និងអន្តរជាតិ និងការអភិរក្សដល់ប្រាង្គប្រាសាទ ក្រុមអ្នកជំនាញគ្រប់គ្រងព្រៃឈើ ទេសភាពវប្បធម៌ និងបរិស្ថាន បានកាត់ដើមស្ពង់ ងាប់មួយដើមធំដែលដុះពីលើកំពែងផ្នែកខាងកើតនៃប្រាសាទតាព្រហ្ម។

លោក យ៉ិន សូវ៉ាត អនុប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថានបានលើកឡើងថា ដើមស្ពង់ងាប់មួយដើមនេះ មានអង្កត់ផ្ទិតប្រហែល១៦០សង់ទីម៉ែត្រ និង កម្ពស់៣០ម៉ែត្រ បានងាប់ជាយូរមកហើយ មានសភាពពុកផុយ ប្រហោងកណ្តាល និងមិនអាចរក្សាលំនឹងនៃទម្ងន់របស់ដើមវាបាន។

លោក សូវ៉ាត បានបន្តថា ការកាត់ក្រីនេះ លោកនឹងរក្សាដើមទុកកម្ពស់៣ ម៉ែត្រពីដី។ លោកថា មូលហេតុដែលត្រូវរក្សាទុកនោះ ព្រោះដើមស្ពង់នេះ មានអនុស្សាវរីយ៍យ៉ាងច្រើនជាមួយភ្ញៀវទេសចរដែលមកទស្សនាប្រាសាទតាព្រហ្ម និងចង់ឃើញដើមស្ពង់ដែលខ្លួនធ្លាប់ថតកាលពីមុនៗ។

ជំហានបន្តទៀត បន្ទាប់ពីការកាត់ដើមស្ពង់នេះ ក្រុមអ្នកជំនាញគ្រប់គ្រង ព្រៃឈើ ទេសភាពវប្បធម៌ និងបរិស្ថាននឹងបន្តកាត់ដើមត្រាងងាប់មួយដើមទៀត ដែលស្ថិតនៅត្រង់កណ្តាលនៃប្រាសាទតាព្រហ្មនេះដែរ។ កន្លងមក ក្រុមជំនាញនៃអាជ្ញាធរជាតិអប្សរាបានកាត់ក្រី ដើមឈើ មែកឈើ តាមបណ្តាវង់តូច វង់ធំ និងតាមបណ្តាប្រាង្គប្រាសាទនានានៅក្នុងតំបន់ អង្គរផង៕