សាខាកាកបាទក្រហមកម្ពុជាខេត្តស្វាយរៀង បាននាំយកអំណោយមនុស្សធម៌ ទៅប្រគល់ដល់គ្រួសាររងគ្រោះដោយសារអគ្គិភ័យ

នៅរសៀលថ្ងៃទី ០៦ ខែ កក្កដា ឆ្នាំ ២០១៧ លោកស្រី ដួង វណ្ណា អនុប្រធានកិត្តិយសសាខាកាកបាទក្រហមកម្ពុជាខេត្តស្វាយរៀង រួមដំណើរដោយលោកស្រី ពៅ សុភាព ហេរញ្ញឹកគណៈកម្មាធិការសាខា បាននាំយកអំណោយមនុស្សធម៌ របស់សាខាទៅប្រគល់ដល់គ្រួសាររងគ្រោះដោយសារអគ្គិភ័យ ១ គ្រួសារ ឈ្មោះ សុខ ធឿន អាយុ ៣៧ ឆ្នាំ មានសមាជិកគ្រួសារ ៥ នាក់នៅភូមិរកា ឃុំអង្គតាសូ ស្រុកស្វាយជ្រំ ។ ដែលរងគ្រោះវេលាម៉ោង ១២ ថ្ងៃទី ៦ ខែ កក្កដា ឆ្នាំ ២០១៧ បណ្តាលមកពីទុសេផ្ទាំងសូឡា នាំឲ្យឆេះផ្ទះ ទំហំ ៧,៨ ម X ៧,៨ ម សង់ពីឈើប្រក់ក្បឿងខូចខាតទាំងស្រុង។ មានប្រសាសន៍សំណេះសំណាលនាឱកាសនោះ លោកស្រី ដួង វណ្ណា បាននាំនូវបណ្តាំសួរសុសទុក្ខ និងចូលរួមសោកស្តាយ ការអាណិតអាសូពីសំណាក់លោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងថ្នាក់ដឹកនាំ សាខាកាកបាទក្រហមកម្ពុជាខេត្តស្វាយរៀង ចំពោះក្រុមគ្រួសាររងគ្រោះដែលបានបាត់បង់ទ្រព្យសម្បត្តិផ្ទះសំបែងគ្មានសល់តែមួយប៉ព្រិចភ្នែក ដែលហេតុការណ៍នេះមិនគួរឲ្យកើតឡើងទាល់តែសោះ។ អំណោយដែលបានផ្តល់ជូនមានអង្ករ ៥០ គ.ក្រ, កៅស៊ូតង់ ១, ធុងទឹកជ័រ, ឆ្នាំងបាយ សម្លរ ២, កន្ទេលបត់ ១, មី ១ កេស, ត្រីខ ១០ កំប៉ុង, ទឹកស៊ីអ៊ីវ ៦ ដប, មុង ១, ភួយ ១, ក្រម៉ា ១, សារុង ១, ថវិកា ១,០០០,០០០ រៀល ។ ក្នុងនោះថវិកាសាខាកាកបាទក្រហមកម្ពុជាខេត្ត ៤០០,០០០ រៀល ឯកឧត្តម ម៉ែន វិបុល ៣០០,០០០ រៀល, លោកជំទាវ ដួង វណ្ណា ២០០,០០០ រៀល, លោកស្រី គង់ គីណា ១០០,០០០ រៀល៕