អគ្គិសនីកម្ពុជាប្រកាសផ្អាកការផ្គត់ផ្គង់ចរន្តអគ្គិសនី នៅតំបន់មួយចំនួនក្នុងរាជធានីភ្នំពេញ និងខេត្តកណ្តាល រយៈពេល៤ថ្ងៃ ចាប់ពីថ្ងៃនេះ ដល់ថ្ងៃទី១១ ខែមិថុនា!

ភ្នំពេញ៖ អគ្គិសនីកម្ពុជា បានចេញសេចក្ដីជូនដំណឹងដល់ប្រជាពលរដ្ឋថា ខ្លួននឹងផ្អាកការផ្គត់ផ្គង់អគ្គិសនី បណ្ដោះអាសន្ន នៅតំបន់មួយចំនួននៅរាជធានីភ្នំពេញ និងខេត្តកណ្ដាល ចាប់ពីថ្ងៃទី០៨-១១ ខែមិថុនា ឆ្នាំ២០១៧ ដើម្បីបង្កលក្ខណៈងាយស្រួល ដល់ការដ្ឋានពង្រីកផ្លូវ នៅតំបន់ទាំងនោះ។

តំបន់ដែលត្រូវបិទភ្លើងបណ្ដោះអាសន្នទាំងនោះ រួមមាន៖
១៖ ថ្ងៃទី០៨ ខែមិថុនា ឆ្នាំ២០១៧ ចាប់ពីម៉ោង៩:០០នាទីព្រឹក ដល់ម៉ោង៥:០០នាទីល្ងាច ផ្អាកនៅសង្កាត់ឫស្សីកែវ ខណ្ឌឫស្សីកែវ សង្កាត់អូរបែកក្អម ខណ្ឌសែនសុខ សង្កាត់សំរោងក្រោម សង្កាត់ចោមចៅទី៣ ខណ្ឌពោធិ៍សែនជ័យ ភ្នំពេញ សង្កាត់តាខ្មៅ សង្កាត់ព្រែកហូរ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។

២៖ ថ្ងៃទី០៩ ខែមិថុនា ចាប់ពីម៉ោង៩:០០នាទីព្រឹក ដល់ម៉ោង៥:០០នាទីល្ងាច ផ្អាកនៅស្ទឹងមានជ័យទី៣ ខណ្ឌមានជ័យ សង្កាត់ទួលសង្កែទី១ សង្កាត់ទួលសង្កែទី២ ខណ្ឌឫស្សីកែវ សង្កាត់ភ្នំពេញថ្មី ខណ្ឌសែនសុខ សង្កាត់ចោមចៅទី២ ខណ្ឌពោធិ៍សែនជ័យ ឃុំឆក់ឈើនាង ឃុំក្រាំងម្កាក់ ឃុំលំហាច ឃុំដំណាក់អំពិល ឃុំពើក ក្នុងស្រុកអង្គស្នួល ខេត្តកណ្ដាល។

៣៖ ថ្ងៃទី១០ ខែមិថុនា ចាប់ពីម៉ោង៩:០០នាទីព្រឹក ដល់ម៉ោង៥:០០នាទីល្ងាច ផ្អាកនៅសង្កាត់ទន្លេបាសាក់ ខណ្ឌចំការមន សង្កាត់ស្ទឹងមានជ័យទី៣ សង្កាត់បឹងទំពន់ទី២ ខណ្ឌមានជ័យ សង្កាត់កាកាបទី១ កាកាបទី២ និងសង្កាត់ចោមចៅទី២ ខណ្ឌពោធិ៍សែនជ័យ។

៤៖ ថ្ងៃទី១១ ខែមិថុនា ចាប់ពីម៉ោង៩:០០នាទីព្រឹក ដល់ម៉ោង៥:០០នាទីល្ងាច ផ្អាកនៅសង្កាត់ស្រះចក សង្កាត់វត្តភ្នំ ខណ្ឌដូនពេញ សង្កាត់ស្ទឹងមានជ័យទី៣ សង្កាត់បឹងទំពន់ទី២ ខណ្ឌមានជ័យ សង្កាត់ចោមចៅទី១ ខណ្ឌពោធិ៍សែនជ័យ ឃុំឆក់ឈើនាង ឃុំក្រាំងម្កាក់ ឃុំលំហាច ឃុំដំណាក់អំពិល ឃុំពើក ក្នុងស្រុកអង្គស្នួល ខេត្តកណ្ដាល។

ហេតុដូចនេះ សូមប្រជាពលរដ្ឋដែលរស់នៅតាមតំបន់គោលដៅខាងលើ សូមត្រៀមលក្ខណៈទុកជាមុនឱ្យបានត្រឹមត្រូវ។