ប្រព័ន្ធធារាសាស្ត្រ កណ្តាលស្ទឹង ត្រូវបានកែលំអ និងថែទាំឡើងវិញដើម្បីធានាការផ្គត់ផ្គង់ទឹកស្រោចស្រពឱ្យកាន់តែមានប្រសិទ្ធភាព

ប្រព័ន្ធធារាសាស្ត្រ កណ្តាលស្ទឹង គឺជាប្រព័ន្ធធារាសាស្ត្រមួយដែលត្រូវបានស្ថាបនាឡើង កាល​ពីឆ្នាំ ២០០៦-២០០៧ ដោយថវិការបស់រាជរដ្ឋាភិបាលកម្ពុជា និងជំនួយឥតសំណងរបស់រដ្ឋាភិបាល និងប្រជាជនជប៉ុន ។

ប្រព័ន្ធនេះ លាតសន្ធឹងនៅលើភូមិសាស្រ្តមួយផ្នែកនៃខណ្ឌដង្កោ រាជធានីភ្នំពេញ និងមួយផ្នែកទៀតនៃស្រុកកណ្តាលស្ទឹង ខេត្តកណ្តាល ។

បន្ទាប់ពីបានបំពេញតួនាទីយ៉ាងសំខាន់ក្នុងការផ្គត់ផ្គង់ទឹកស្រោចស្រពដល់បងប្អូនប្រជាកសិ​ករនៅក្នុងភូមិសាស្ត្រខាងលើ ប្រមាណមួយទស្សវត្សរ៍មកនេះ ប្រព័ន្ធធារាសាស្ត្រ កណ្តាល​ស្ទឹង ត្រូវបានមន្ត្រីជំនាញរបស់ក្រសួងធនធានទឹក និងឧតុនិយម សហការជាមួយមន្ទីរធន​ធានទឹក និងឧតុនិយមរាជធានីភ្នំពេញ និងខេត្តកណ្តាល ធ្វើការកែលំអ និងថែទាំឡើងវិញ ដើម្បីធានាការផ្គត់ផ្គង់ទឹកស្រោចស្រពឱ្យកាន់តែមានប្រសិទ្ធភាព និងការប្រើប្រាស់បានយូរអង្វែងទៅមុខ ៕