លោក ត្រាំ អ៊ីវតឹក៖ សមិទ្ធផលរីកចំរេីនគឺផ្តេីមចេញពីប្រទេសមានសន្តិភាព ដែលបានមកពីការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន និងថ្នាក់ដឹកនាំគណបក្សប្រជាជនកម្ពុជា

កំពង់ឆ្នាំង៖ លោក ត្រាំ អ៊ីវតឹក រដ្ឋមន្ត្រីក្រសួងប្រៃសនីយ៍ និងទូរគមនាគមន៍ សមាជិកគណៈកម្មាធិការកណ្តាលគណបក្សប្រជាជនកម្ពុជា និងប្រធានក្រុមការងារចុះជួយស្រុកកំពង់លែង និង ស្រុកទឹកផុសខេត្តកំពង់ឆ្នាំង បានថ្លែងនៅថ្ងៃទី១៥ ខែឧសភា ឆ្នាំ២០១៧ថា សមិទ្ធផលរីកចំរេីន គឺផ្តេីមចេញពីប្រទេសមានសន្តិភាព ដែលបានមកពីការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន និងថ្នាក់ដឹកនាំគណបក្សប្រជាជនកម្ពុជា។

លោករដ្ឋមន្ត្រី ត្រាំ អ៊ីវ តឹក បានមានប្រសាសន៍ដូចនេះ ក្នុងឱកាសដែលលោក បានជួបសំណេះសំណាលជាមួយតំណាងគ្រួសារបក្ស ចំនួន១.៦៥៨នាក់ មកពីឃុំ២គឺ ឃុំប្រឡាយមាស និង ឃុំផ្លូវទូក ស្រុកកំពង់លែង ខេត្តកំពង់ឆ្នាំង និង សម្ពោធដាក់អោយប្រេីប្រាស់ ស្នាក់ការគណបក្សឃុំប្រឡាយមាស ដែលកសាងអស់ថវិកាចំនួន២.៤៩០.០៥០​ដុល្លារ ដែលបានមកពីការជួយឧបត្ថម្ភពីក្រុមការងារថ្នាក់កណ្តាល ខេត្ត ស្រុក និងពិនិត្យវាស់វែងឈួសឆាយផ្លូវមួយខ្សែប្រវែង២២គីឡូម៉ែត្រ ចាប់ពីឃុំផ្លូវទូក តភ្ជាប់ទៅឃុំច្រណូកស្រុកកំពង់លែង មាន ទទឹង១០m ក្រាលគ្រួសក្រហម និងចាប់ដំណេីរសាងសង់បន្តនៅឆ្នាំ២០១៨ដោយថវិការបស់ក្រសួងសាធារណៈការ និងដឹកជញ្ជូន តាមរយៈមន្ទីរសាធារណៈការ និងដឹកជញ្ជូនខេត្តកំពង់ឆ្នាំង។

លោករដ្ឋមន្ត្រី បានមានប្រសាសន៍បន្តថា រាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា យើងមានសាលារៀន មន្ទីរពេទ្យ ផ្លូវ ស្ពាន ជាពិសេស រោងចក្រ សហគ្រាសដើម្បីបងប្អូនប្រជាពលរដ្ឋមានការងារធ្វើ និងបង្កើនប្រាក់ចំណូលក្នុងគ្រួសារ ដោយសារប្រទេសយើងមានសន្តិភាព និងការអភិវឌ្ឍ ដូច្នេះយើងត្រូវថែរក្សាសន្តិភាពទោះស្ថិតក្នុងតម្លៃណាក៏ដោយ។ លោករដ្ឋមន្ត្រី បានអំពាវនាវដល់ប្រជាពលរដ្ឋដែមានឈ្មោះក្នុងបញ្ជី
បោះឆ្នោតអញ្ជេីញទៅបោះឆ្នោតអោយបានគ្រប់ៗគ្នា គឺបោះឆ្នោតជូនគណបក្សប្រជាជនកម្ពុជា ដើម្បីបន្តការអភិវឌ្ឍ ឃុំ-សង្កាត់យើងបន្តទៀត។

លោករដ្ឋមន្ត្រី ត្រាំ អ៊ីវតឹក ក៏បានឧបត្ថម្ភថវិកា១ពាន់ដុល្លារ ដល់វត្តថ្នល់ឈេីទាល សំរាប់កសាងសមិទ្ធផលនានាក្នុងវត្ត និងសន្យាជួយកសាងវត្តប្រឡាយ មាសផងដែរ៕

​