លោក យឹម សុវណ្ណ បានផ្ញើលិខិត១ ជូនទៅលោក សម រង្ស៊ី ដោយបញ្ជាក់ពីមូលហេតុនៃការបដិសេធមិនទទួលយកតួនាទីជាអនុប្រធានគណបក្សសង្គ្រោះជាតិ ប៉ុន្តែ ជាជំនួសវិញ លោក យឹម សុវណ្ណ បានសុំឲ្យលោក សម រង្ស៊ី ជជែកជាមួយលោក កឹម សុខា ដើម្បីឲ្យគាត់បានធ្វើជាអគ្គលេខាធិការបក្សវិញ។ នេះបើយោងតាមខ្លឹមសារលិខិតរបស់លោក យឹម សុវណ្ណ ចុះថ្ងៃទី២៨ ខែកុម្ភៈ ឆ្នាំ ២០១៧ ដែលបណ្តាញផ្សព្វផ្សាយសង្គម ហ្វេប៊ុក មានឈ្មោះ យុវតីសង្គ្រោះជាតិ បានបង្ហោះផ្សាយនៅព្រឹកថ្ងៃទី២ ខែកុម្ភៈ ឆ្នាំ២០១៧។
លោក យឹម សុវណ្ណ បានសរសេរខ្លឹមសារជូនទៅលោក សម រង្ស៊ី យ៉ាងនេះថា៖
ខ្ញុំ យឹម សុវណ្ណ សមាជិកគណៈអចិន្ត្រៃយ៍ គណៈកម្មាធិការនាយកគណបក្សសង្គ្រោះជាតិ ខ្ញុំសូមគោរពជម្រាបជូនលោកប្រធាន អំពីគោលជំហរចុងក្រោយរបស់ខ្ញុំដូចតទៅ៖
សុំទោស ដែលខ្ញុំមិនបានគោរពតាមការណែនាំរបស់លោកប្រធាន ដែលបានសម្រេចឲ្យខ្ញុំធ្វើជាអនុប្រធានគណបក្សសង្គ្រោះជាតិ។
ប៉ុន្តែ ជាជំនួសវិញ ខ្ញុំសូមលោកប្រធានត្រូវតែដោះស្រាយ និងទាមទារឯកឧត្តម កឹម សុខា ឲ្យបានជាដាច់ខាតឲ្យខ្ញុំបាទបានធ្វើជាអគ្គលេខាធិការបក្ស ដើម្បីក្តាប់កម្លាំង និងមានអំណាចទប់ទល់ជាមួយឯកឧត្តម កឹម សុខា កុំឲ្យក្តោបក្តាប់បក្សសង្គ្រោះជាតិយើងទាំងមូលបាន ពីព្រោះឯកឧត្តម កឹម សុខា មានផែនការ ដាក់ យ៉ែម ប៉ុញ្ញរិទ្ធ ជាអគ្គលេខាធិការបក្សសង្គ្រោះជាតិ។
ដោយយោងលើសភាពការចាំបាច់ អាស្រ័យហេតុនេះ សូម លោកប្រធាន ពិនិត្យ សម្រេច និងដាក់ចេញនូវវិធានការជាបន្ទាន់បំផុត។
No comments:
Post a Comment