នៅព្រឹកថ្ងៃទី០៦ ខែមិថុនា ឆ្នាំ២០១៦ សម្ដេចអគ្គមហាសេនាបតីតេជោ
ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍សរសើរអំពី
ជីវភាពប្រជាពលរដ្ឋយើងដែលបានធូរធារពីមួយថ្ងៃទៅមួយថ្ងៃនោះ។
សម្តេចតេជោបានថ្លែងយ៉ាងដូច្នេះថា «នៅព្រឹកថ្ងៃនេះ ខ្ញុំព្រះករុណាខ្ញុំបានមកចូលរួមក្នុងពិធីបុណ្យ
បញ្ចុះខ័ណ្ឌសីមាព្រះវិហារវត្តមឿងចារ្យលិខិតារាម នៅភូមិមឿងចារ្យ ឃុំ ជាងទង
ស្រុកត្រាំកក់ ខេត្តតាកែវ។ តាមផ្លូវពីភ្នំពេញមកកាន់ខេត្តតាកែវ ខ្ញុំបានសង្កេតឃើញប្រជាពលរដ្ឋយើង
ប្រកបរបរលក់ដូរអ៊ូអរតាមដងផ្លូវដែលបង្ហាញនូវសកម្មភាពរស់រវើកជាមួយទឹកមុខញញឹម។
គេហដ្ឋានតូចធំចម្រុះគ្រប់ពណ៌ និងសម្ភារប្រើប្រាស់ដូចជាម៉ូតូ
និងរថយន្តតូចធំកំពុងចរាចរតាមដងផ្លូវ បង្ហាញឱ្យឃើញពីការរីកចម្រើនរបស់ប្រជាពលរដ្ឋយើងជាមួយជីវភាពធូរធារពីមួយថ្ងៃទៅមួយថ្ងៃ។
ទន្ទឹមនឹងនេះ ការរីកចម្រើនវិស័យពុទ្ធសាសនាសព្វថ្ងៃ
គឺបានចូលរួមយ៉ាងសកម្មនៅក្នុងការអភិវឌ្ឍ សង្គមជាតិផងដែរ។
ខ្ញុំព្រះករុណាខ្ញុំសប្បាយចិត្តណាស់ នៅពេលដែលបានឃើញបងប្អូនជនរួមជាតិរស់នៅមានសេចក្តីសុខ
និងមានជីវភាពល្អប្រសើរ។ អ្វីៗដែលយើងសម្រេចបាននៅពេលនេះ និងទៅអនាគតគឺដោយសារ
ប្រទេសយើង មានសុខសន្តិភាពពេញលេញ។ បន្ទាប់ពីកម្មវិធីបញ្ចុះខណ្ឌសីមានៅទីនេះរួចហើយ
ខ្ញុំនឹងបន្តដំណើរទៅកាន់ខេត្តព្រះសីហនុជាបន្តទៀត។ ខ្ញុំព្រះករុណាខ្ញុំ សូមជូនប្រគេនព្រះសង្ឃគ្រប់
ព្រះអង្គ និងជូនពរជនរួមជាតិទូទាំងប្រទេសជួបប្រទះតែសេចក្តីសុខគ្រប់ៗគ្នា»។
ដោយឡែកក្នុងពិធីបញ្ចុះខណ្ឌសីមាព្រះវិហារវត្ត
មឿងចារ្យលិខិតារាម សម្តេចតេជោ ហ៊ុន សែន នាយករដ្ឋមន្រ្តី បានមានប្រសាសន៍
អរគុណចំពោះប្រជាពលរដ្ឋខ្មែរ ដែលបានបោះឆ្នោតគាំទ្រ គណបក្សប្រជាជនកម្ពុជា
ក៏ដូចជា គាំទ្រសម្តេចបន្តការដឹកនាំប្រទេស ក្នុងរយៈពេលជាង៣៧ឆ្នាំ កន្លងមកនេះ។
ក្រៅពីសម្តេចក៏សង្ឃឹមទៀតថា ប្រជាជនកម្ពុជា នឹងបន្តគាំទ្រសម្តេចទៀតផងដែរ។
មានប្រសាសន៍បែបនេះ ខណៈសម្តេច អញ្ជើញបានចូលរួមនៅក្នុងពិធីបញ្ចុះខណ្ឌសីមា
ព្រះវិហារ វត្តមឿងចារ្យលិខិតារាម ស្ថិតនៅភូមិមឿងចារ្យ ឃុំជាងទង ស្រុកត្រាំកក់
ខេត្តតាកែវ នាព្រឹកថ្ងៃទី០៦ ខែមិថុនា ឆ្នាំ២០១៦នេះ។
សម្តេចតេជោ ហ៊ុន សែន បានមានប្រសាសន៍យ៉ាង
ដូច្នេះថា «អរគុណចំពោះប្រជាពលរដ្ឋដែលបាន
បោះឆ្នោតគាំទ្រ គណបក្សប្រជាជនកម្ពុជា គាំទ្រខ្ញុំ ព្រះករុណាខ្ញុំ បន្តការដឹកនាំប្រទេស
ហើយក៏សង្ឃឹមថា នឹងទទួលបាននូវការគាំទ្រជាបន្តបន្ទាប់ យើងបានរួមសុខរួមទុក្ខជាមួយគ្នា
អស់រយៈពេល ៣៧ឆ្នាំហើយ មិនមានមុខនរណាម្នាក់ មកជួយយើងកសាងព្រះវិហារមកជួយយើង
កសាងសាលារៀន មកជួយយើង កសាងប្រឡាយទឹក, កសាងអណ្តូងទឹក,
ស្រះទឹក, ប្រឡាយទឹកនោះទេ, បើជេរមាន»។
គួរបញ្ជាក់ថា គណបក្សប្រជាជនកម្ពុជា ទទួលបានការគាំទ្រ
និងបោះឆ្នោតពីប្រជាពលរដ្ឋឱ្យ គ្រប់គ្រង រាជរដ្ឋាភិបាលជាច្រើន អាណត្តិរួចមកហើយ
ទោះបីជាមានការប្រកួតប្រជែង ពីគណបក្សប្រឆាំង ជាច្រើនទៀតក៏ដោយ គណបក្សប្រជាជនកម្ពុជានៅតែអាចឈ្នះ
ការបោះឆ្នោត និងដឹកនាំ ប្រទេសជាបន្តបន្ទាប់៕
No comments:
Post a Comment