កិច្ចប្រជុំផ្សព្វផ្សាយពង្រឹងវិធានការការពារការរីករាលដាលជម្ងឺកូវីដ១៩ និងត្រៀមរៀបចំចែកពូជស្រូវដល់ប្រជាពលរដ្ឋងាយរងគ្រោះដោយសារជំនន់ទឹកភ្លៀង

 កំពង់ឆ្នាំង៖ នៅថ្ងៃទី១០ ខែវិច្ឆិកា ឆ្នាំ២០២០នេះ នៅសាលប្រជុំសាលាខេត្តកំពង់ឆ្នាំង លោក ឈួរ ច័ន្ទឌឿន អភិបាលខេត្ត អញ្ជើញដឹកនាំប្រជុំផ្សព្វផ្សាយពង្រឹងវិធានការការពារការរីករាលដាលជម្ងឺកូវីដ១៩ និងការងារត្រៀមរៀបចំចែកពូជស្រូវដល់ប្រជាពលរដ្ឋងាយរងគ្រោះដោយសារជំនន់ទឹកភ្លៀង នៅខេត្តកំពង់ឆ្នាំង ដោយមានការអញ្ជើញចូលរួមពីលោកអភិបាលរងខេត្ត នាយក នាយករងរដ្ឋបាលសាលាខេត្ត កងកម្លាំង រដ្ឋបាលក្រុង ស្រុក និងមន្ទីរអង្គភាពពាក់ព័ន្ធ។

លោក ឈួរ ច័ន្ទឌឿន អភិបាលខេត្ត បានជម្រុញឱ្យអាជ្ញាធរគ្រប់លំដាប់ថ្នាក់ និងអង្គភាពពាក់ព័ន្ធទាំងអស់ត្រូវអនុវត្តតាមតួនាទី ភារកិច្ច និងការទទួលខុសត្រូវដើម្បីពង្រឹងការងារសន្ដិសុខ សណ្ដាប់ធ្នាប់សាធារណៈ ព្រមទាំងអនុវត្តឱ្យបានម៉ឺងម៉ាត់នូវសចក្ដីណែនាំរបស់រដ្ឋាភិបាលកម្ពុជា ជាពិសេសត្រូវបន្ដផ្សព្វផ្សាយវិធានការការពារជម្ងកូវីដ១៩ ដោយអនុវត្តឲ្យបានត្រឹមត្រូវតាមសេចក្ដីណែនាំរបស់ក្រសួងសុខាភិបាលក្នុងការប្រយុទ្ធប្រឆាំងនឹងការរីករាលដាលនៃជម្ងឺនេះ ៕