កិច្ចប្រជុំសាមញ្ញក្រុមប្រឹក្សាខេត្តពោធិ៍សាត់ លើកទី៥ ឆ្នាំទី២ អាណត្តិទី ៣

 ពោធិ៍សាត់៖ នៅព្រឹកថ្ងៃទី១០ ខែតុលា ឆ្នាំ២០២០ នៅសាលប្រជុំសាលាខេត្តពោធិ៍សាត់ លោក ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ បានដឹកនាំកិច្ចប្រជុំសាមញ្ញក្រុមប្រឹក្សាខេត្តពោធិ៍សាត់ លើកទី៥ ឆ្នាំទី២ អាណត្តិទី ៣ ដោយមានការចូលរួមពីលោក ចេង ឡៃ អភិបាលរងខេត្ត តំណាងដ៏ខ្ពង់ខ្ពស់លោកបណ្ឌិត ម៉ៅ ធនិន អភិបាលខេត្ត លោកលោកស្រីប្រធានមន្ទីរអង្គភាពក្នុងខេត្ត អភិបាលស្រុកទាំង ៧ លោកនាយករដ្ឋបាល នាយកទីចាត់ការ និងមន្ត្រីសាលាខេត្ត។

លោក ម៉ក់ រ៉ា បានលើកឡើងពីរបៀបវារ:ដាក់ជូនក្នុងអង្គប្រជុំដំណើរការ៖
ទី១. ពិនិត្យ និងអនុម័តិសេចក្តីព្រាង កំណត់ហេតុកិច្ចប្រជុំសាមញ្ញលើកទី៤ ឆ្នាំទី២ អាណត្តិទី៣ របស់ក្រុមប្រឹក្សាខេត្ត។
ទី២. ពិនិត្យនិងអនុម័តសេចក្តីព្រាងរបាយការណ៍ប្រចាំខែតុលាឆ្នាំ២០២០របស់រដ្ឋបាលខេត្ត។
ទី៣. ពិនិត្យនិងអនុម័តសេចក្តីព្រាងរបាយការណ៍ស្តីពីវេទិការផ្សព្វផ្សាយនិងពិគ្រោះយោបល់ របស់ក្រុមប្រឹក្សាខេត្តឆ្នាំទី២ អាណត្តិទី៣ ឆ្នាំ២០២០។
ទី៤. ពិនិត្យនិង អនុម័តិសេចក្តីព្រាង សៀវភៅកម្មវិធីវិនិយោគ៣ឆ្នាំ រំកិល២០២១-២០២៣។
ទី៥. ឆ្លងសេចក្តីព្រាងផែនការលទ្ធកម្មឆ្នាំ២០២១របស់រដ្ឋបាលខេត្តពោធិ៍សាត់។
ទី៦. របាយការណ៍របស់គណៈកម្មាធិការនានារបស់ក្រុមប្រឹក្សាខេត្ត។
ទី៧.ពិនិត្យ និងអនុម័តិស្នើសុំតែងតាំងព្រះមេគណខេត្ត។
ទី៨.បញ្ហាផ្សេងៗ។

លោក ម៉ក់ រ៉ា បានប្រកាសជូនអង្គប្រជុំឲ្យបានជ្រាបថាកិច្ចប្រជុំសាមញ្ញលើកទី៦និងប្រព្រឹត្តទៅនៅថ្ងៃទី០៩ ខែធ្នូ ឆ្នាំ ២០២០ វេលាម៉ោង ៨ព្រឹកនៅទីតាំងដដែល៕