ក្រសួងសុខាភិបាល ណែនាំឱ្យចៀសវាងការរៀបចំអាពាហ៍ពិពាហ៍និងពិធីផ្សេងៗដែលមានមនុស្សច្រើន

 ភ្នំពេញ៖ ក្រសួងសុខាភិបាល បានណែនាំឱ្យរក្សាគម្លាតសុវត្តិភាពសង្គមដោយចៀសវាង ឬបើចៀសមិនបានត្រូវកាត់បន្ថយឱ្យបានជាអតិបរមានូវការជួបជុំគ្នាក្នុងសង្គមដែលមានមនុស្សម្នា ច្រើនដូចជា ការរៀបអាពាហ៍​ពិពាហ៍ ពិធីបុណ្យនានា មានដូចជា ការជួបជុំគ្នាក្នុងពិធីបុណ្យជាតិ ពិធីបុណ្យសាសនា ពិធីបុណ្យប្រពៃណី ឬពិធីបុណ្យផ្សេងៗ ការប្រគុំតន្រ្តី ការដើរលេងជួបជុំ បរិភោគអាហារជាមួយមិត្តភក្តិខាងក្រៅផ្ទះ ការជួបជុំពិធីខួបកំណើត ឬការធ្វើពិធីឡើងផ្ទះក្នុងទ្រង់ទ្រាយធំ ការធ្វើដំណើរកំសាន្តប្រមូលផ្តុំគ្នាច្រើនជាដើម។ នេះបើយោងទៅតាមសេចក្តីណែនាំរបស់ក្រសួងសុខាភិបាល។

នៅក្នុងសេចក្តីណែនាំដដែលនោះ បានឱ្យដឹងទៀតថា ទន្ទឹមនឹងការអនុវត្តគម្លាតសុវត្ថិភាពបុគ្គល និងគម្លាតសុវត្ថិភាពសង្គម សូមប្រជាពលរដ្ឋយកចិត្តទុកដាក់រក្សាអនាម័យឱ្យបានស្អាតជានិច្ចផងដែរ៕

សូមអានសេចក្តីណែនាំរបស់ក្រសួងសុខាភិបាលខាងក្រោម៖