ប្រធានាធិបតីបារាំង លោក Emmanuel Macron កាលពីថ្ងៃអាទិត្យបានពិពណ៌នាសមភាគីរុស្សីរបស់គាត់ លោក Vladimir Putin ថា ជាមេដឹកនាំដ៏ពូកែ ប៉ុន្តែជាអ្នកដែលមានគំនិតប្រជាធិបតេយ្យ គឺមិនមែនជាគំនិតរបស់ខ្ញុំទេ។
លោក Macron បាននិយាយតាមសារព័ត៌មាន Fox News កាលពីថ្ងៃអាទិត្យថា «ខ្ញុំគិតថា គាត់ជាមនុស្សខ្លាំងពូកែមែនទែន គាត់គឺជាប្រធាធិបតីដ៏មានឥទ្ធិពល។ គាត់ចង់ឱ្យរុស្ស៊ីក្លាយជាប្រទេសដ៏អស្ចារ្យ។ ប្រជាជនមានមោទនភាពជាមួយនឹងគោលនយោបាយរបស់គាត់។ គាត់មានជំហរតឹងរឹងយ៉ាងខ្លាំងជាមួយនឹងសម្លេងភាគតិច និងគូប្រជែងរបស់គាត់ចំពោះទស្សនៈប្រជាធិបតេយ្យ គឺមិនមែនជាគំនិតរបស់ខ្ញុំទេ»។
លោក Macron បានចៀសវាងនូវការផ្តល់ទម្ងន់លើការស៊ើបអង្កេតរបស់ឆ្មាំក្តីពិសេសក្នុងការជ្រៀតជ្រែករបស់រុស្ស៊ីចំពោះការបោះឆ្នោតរបស់អាមេរិក កាលពីឆ្នាំ២០១៦ ដោយនិយាយថា វាមិនប៉ះពាល់ពីរបៀបដែលបារាំងធ្វើការប្រាស្រ័យជាមួយនឹងប្រធានាធិបតី Donald Trump នោះទេ»។
លោក Macron បាននិយាយថា «សម្រាប់ខ្ញុំ គ្មានអ្វីប៉ះពាល់ទេ»។
គាត់បាននិយាយថា «ប្រជាជនអាមេរិកបានបោះឆ្នោតឱ្យប្រធានាធិបតី Donald Trump និងបានជ្រើសតាំងរូបគាត់។ អ្នកមានប្រព័ន្ធរបស់អ្នក។ អ្នកគឺជាប្រទេសសេរីដែលមាននីតិរដ្ឋ នៅទីនេះក្នុងតំណែងជាប្រធានាធិបតី។ ខ្ញុំមិនមែនជាអ្នកដែលត្រូវវិនិច្ឆ័យ ឬស្ថិតនៅក្នុងមធ្យោបាយជាក់ស្តែងណាមួយដើម្បីពន្យល់ដល់ប្រជាជនរបស់អ្នក ថាតើនរណាគួរធ្វើជាប្រធានាធិបតីរបស់អ្នកនោះទេ។
តើលោក Emmanuel Macron ក្លាយជាមេដឹកនាំថ្មីនៃពិភពលោកសេរីនេះដោយរបៀបណា?
លោក Macron បានអំពាវនាវដល់លោក Trump ឱ្យបោះបង់ចោលនូវពន្ធគយទៅលើដែកថែប និងអាលុយមីញ៉ូម ដែលគាត់បានប្រកាសនាពេលថ្មីៗនេះ ឬធ្វើការលើកលែងដល់សហគមន៍អឺរ៉ុប។
លោក Macron បាននិយាយថា «ខ្ញុំសង្ឃឹមថា គាត់នឹងមិនអនុវត្តន៍ពន្ធគយថ្មីទាំងនេះទេ ហើយគាត់នឹងសម្រេចចិត្តដើម្បីធ្វើការលើកលែងដល់សហភាពអឺរ៉ុប។ អ្នកនឹងមិនធ្វើសង្រ្គាមពាណិជ្ជកម្មជាមួយនឹងសម្ព័ន្ធមិត្តរបស់អ្នកទេ»៕
ប្រភព៖ Politico ចុះថ្ងៃទី២៣ ខែមេសា ឆ្នាំ២០១៨
No comments:
Post a Comment