ជាមួយគ្នានោះលោកនាយករដ្ឋមន្ត្រី ក៏បានបញ្ជាក់បន្ថែមថា « ខ្ញុំអត់មានសិទ្ធិចរចាទេ ព្រោះខ្ញុំត្រូវគោរពនូវសាលក្រមតុលាការ បើសិនជាខ្ញុំចរចា នោះខ្ញុំនឹងត្រូវជាប់ទោសខ្លួនឯង។ អ្នកដែលប្រឆាំងនឹងសាលក្រមតុលាការកំពូល នឹងត្រូវមានទោសជាប់គុក ២ឆ្នាំកន្លះ» ។
លើសពីនេះ លោកនាយករដ្ឋមន្ត្រី ហ៊ុន សែន បានលើកឡើងថា ជប៉ុន បញ្ជាក់ហើយបញ្ជាក់ទៀតអំពីបញ្ហាគោរពអធិបតេយ្យជាតិ របស់កម្ពុជា បន្តផ្តល់ជំនួយ និងសហការ ជប៉ុនមិនបានគាបសង្កត់អ្វីនោះទេ ។ បន្ថែមពីលើនេះ លោកនាយករដ្ឋមន្ត្រី ហ៊ុន សែន ក៏បានបញ្ជាក់ថា នៅសប្តាហ៍ក្រោយនឹងមានជំនួបរវាងលោក ជាមួយរដ្ឋមន្ត្រីការបរទេសជប៉ុន ហើយក៏នឹងមានការចុះហត្ថលេខាលើការផ្តល់ជំនួយ របស់ជប៉ុន មកដល់កម្ពុជា មិនមែននិយាយរឿងអតីតបក្សសង្គ្រោះជាតិនោះឡើយ៕
No comments:
Post a Comment