ប្រធានសម្ព័ន្ធយុវជនស្រលាញ់សន្តិភាព ចុះពិនិត្យសាលារៀនពីរខ្នងនៅ ស្រុកបន្ទាយមាស ដែលជាអំណោយរបស់ លោកនាយករដ្ឋមន្រ្ដី ហ៊ុន សែន

កំពត៖ លោក ជិន ប៊ុនធឿន លេខាលោកនាយករដ្ឋមន្រ្ដី ហ៊ុន សែន និងជាប្រធានសម្ព័នយុវជនស្រលាញ់ សន្តិភាពសាខារាជធានីភ្នំពេញ និងលោក ដេវិដ ឆាណាយវ៉ា នៅថ្ងៃទី២៧ ខែមីនា ឆ្នាំ២០១៨នេះ ដឹកនាំក្រុម ការងារចុះទៅមើលការដ្ឋានសាងសង់សាលារៀនពីរខ្នង ដែលមានទីតាំងស្ថិតនៅភូមិពេជ្ជនា ឃុំបន្ទាយមាស ខាងកើត ស្រុកបន្ទាយមាស ខេត្តកំពត។

អំណោយសាលារៀនពីរខ្នងនេះ គឺជាអំណោយរបស់លោកនាយករដ្ឋមន្រ្ដី ហ៊ុន សែន និងលោកស្រី ប៊ុន រ៉ានី ហ៊ុន សែន។ ក្នុងឱកាសនោះដែរ លោក ជិន ប៊ុនធឿន និងលោក ដេវិដ ឆាណាយវ៉ា បានផ្តាំផ្ញើដល់ក្រុមជាង ទាំងអស់ឲ្យយកចិត្តទុកដាក់ ធ្វើការងារធ្វើយ៉ាងណាឲ្យសំណង់មានគុណភាពខ្ពស់ នឹងសង់រួចរាល់មុនបំណាច់ ខែឧសភា ខាងមុខនេះផងដែរ ៕