នៅថ្ងៃទី២៧ ខែមីនា ឆ្នាំ២០១៨នេះ លោក សុខ ឥសាន អ្នកនាំពាក្សគណបក្សប្រជាជនកម្ពុជា បានលើកឡើងថា ជាវប្បធ៌មរបស់ សម រង្ស៊ី ចាប់តាំងពីចូលប្រឡូកក្នុងនយោបាយមក សម រង្ស៊ី ស្រែកថាឈ្នះរហូត គឺមិនដែលស្រែកថាចាញ់ម្តងណាទេ ។ ប៉ុន្តែការឈ្នះរបស់ សម រង្ស៊ី បានបង្ហាញច្បាស់តាមរយៈ៖
១-បានធ្វើជារដ្ឋមន្ត្រីសេដ្ឋកិច្ច និងហិរញ្ញវត្ថុ នៅឆ្នាំ១៩៩៣ បានឈ្នះធ្លាក់ពីតំណែងនៅ ឆ្នាំ១៩៩៤ ។
២- បង្កើតគណបក្សជាតិខ្មែរ នៅឆ្នាំ១៩៩៥ បានឈ្នះដូរឈ្មោះបក្សទៅជាគណបក្ស សម រង្ស៊ី វិញ ។
៣-ដឹកនាំធ្វើបាតុកម្មប្រឆាំងនឹងលទ្ធផលបោះឆ្នោតឆ្នាំ១៩៩៧ បានឈ្នះធ្វើឲ្យមនុស្សស្លាប់ជាង១៤នាក់ និងរបួសរាប់សិបនាក់ ។
៤-ចូលរួមការប្រកួតប្រជែងបោះឆ្នោតចាប់ពីឆ្នាំ១៩៩៨ រហូតដល់២០១៣ ទោះបីបានសម្លេងឆ្នោតខ្លះ តែនៅតែចាញ់គណបក្សប្រជាជនកម្ពុជាដដែល នេះហៅថាឈ្នះរបស់សម រង្ស៊ី ?
៥-សម រង្ស៊ី ឈ្នះតាំងពីធ្វើជាប្រធានគណបក្ស មកអស់តួនាទី អស់តំណែង រហូតអស់ជាសមាជិបក្ស ឈ្នះពីមានសិទ្ធិជាពលរដ្ឋធម្មតា មកជាទណ្ឌិត ឈ្នះតាំងពីនៅក្នុងស្រុករហូតរត់ចោលស្រុក ពនេចរ កណ្តោចកណ្តែងឯនាយសមុទ្រ គ្មានកោះត្រើយ ។
៦-ឈ្នះតាំងជាអ្នកប្រជាធិបតេយ្យ ក្លាយទៅជាអ្នកអនាធិបតេយ្យ ធ្វើសកម្មភាពឧទ្ទាមនិយមក្រៅច្បាប់ ដើរញុះញង់គ្រប់ទីកន្លែងប្រឆាំងនឹងជាតិសាសន៍ឯងគ្មានស្រាកស្រាន ។
៧-ឈ្នះតាំងពីនៅជាអ្នកនយោបាយក្លាយទៅជាជនក្បត់ជាតិ ដើរតាមលំអានត្រកូលក្បត់ជាតិខ្លួនរហូតដល់ប្រព្រឹត្តអំពើសន្និដ្ឋិភាពជាមួយបរទេស និងហ៊ានចុះកិច្ចព្រមព្រៀងកាត់ដី៤ខេត្តឲ្យយួនសេរីកាន់កាប់ដែលជាទោសក្បត់ជាតិពេញទី ។
៨-បង្កើតក្រុមឧទ្ទាមក្រៅច្បាប់ ប្រឆាំងនឹងប្រទេសខ្លួនឯង ដែលជាទោសក្បត់ជាតិថែមលើថែម ។
៩-ឈ្នះតាំងពីមានដៃគូសន្ទនារហូតដល់អស់ដៃគូសន្ទនា ដោយសារខ្លួនឯងបំផ្លាញវប្បធម៌សន្ទនាចោល ឥឡូវមុខឆ្កែស្រែជម្រៅមករកសុំចរចា ។
លោក សុខ ឥសាន បានសង្កត់ធ្ងន់ថា ទាំង៩ចំណុចខាងលើនេះ គឺជាជ័យជម្នះរបស់ទណ្ឌិត សម រង្ស៊ី និងបក្សពួកដែលមួយថ្ងៃព្ញតែឈ្នះៗរហូតអស់គូថខោ ហៅលែងព្ញតែម្តង ។ លោកសុខ ឥសាន ក៏បានជូនពរឲ្យទណ្ឌិត សម រង្ស៊ី និងបក្សពួកបន្តឈ្នះដោយបរាជ័យរហូត៕
No comments:
Post a Comment