ស្រុកកំពង់លែងរៀបចំពិធីផ្សព្វផ្សាយសេចក្ដីសម្រេចចិត្ត នៃមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា

កំពង់ឆ្នាំង៖ ថ្ងៃព្រហស្បតិ៍ ៨រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៨ ខែ កុម្ភៈ ឆ្នាំ២០១៨ នេះនៅទីស្នាក់ការគណបក្សប្រជាជនកម្ពុជា ស្រុកកំពង់លែង ខេត្តកំពង់ឆ្នាំង បានរៀបចំប្រារព្ធ ពិធីផ្សព្វផ្សាយសេចក្តីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេស ក្រោមការចូលរួមពីសំណាក់លោក អ៊ុក រស់ ប្រធានមន្ទី្ទររ៉ែ និងថាមពល និងជាប្រធានក្រុមការងារថ្នាក់ខេត្ត ចុះជួយឃុំត្រងិល លោក យិន បូរិន្ទ អនុប្រធានសាធារណការ និងដឹកជញ្ជូន និងជាអនុប្រធានក្រុមការងារថ្នាក់ខេត្តតំណាងលោក កែវ ពៅ ប្រធានក្រុមការងារចុះជួយឃុំកំពង់ហៅ លោក សំ ចាន់ថន អភិបាលស្រុក និងជាប្រធានគណៈកម្មាធិការបក្សប្រជាជនស្រុកកំពង់លែង ព្រមទាំងមន្ត្រីក្រុមការងារខេត្តចុះជួយស្រុក មន្ត្រីបក្សស្រុក ឃុំ សមាជិក សមាជិកា គណបក្សចូលរួមសរុប ៤៣០ នាក់ស្រី ១០០ នាក់ ។

លោក អ៊ុក រស់ ប្រធានមន្ទីររ៉ែ និងថាមពល និងជាប្រធានក្រុមការងារថ្នាក់ខេត្តចុះជួយឃុំត្រងិល បានឡើងអានសេចក្តីសម្រេចចិត្តមហាសន្និបាតវិសាមញ្ញតំណាងទូទាំងប្រទេស របស់គណបក្សប្រជាជនកម្ពុជា ដែលជាព្រឹត្តិការណ៍នយោបាយជាប្រវត្តិសាស្ត្ររបស់គណបក្ស ដែលបានធ្វើការពិនិត្យវាយតម្លៃអំពីសភាពការណ៍ទូទៅ និងដាក់ចេញទិសដៅការងារជាយុទ្ធសាស្ត្រសម្រាប់អនុវត្តបន្តពិសេសទិសដៅភារកិច្ចឆ្ពោះទៅដណ្តើមជោគជ័យការបោះឆ្នោតជ្រើសតាំងសមាជិកព្រឹទ្ធសភានៅថ្ងៃទី ២៥ ខែ កុម្ភៈ ឆ្នាំ២០១៨ និងបោះឆ្នោតជ្រើសតាំងសមាជិករដ្ឋសភាថ្ងៃទី ២៩ ខែកក្កដា ឆ្នាំ២០១៨ខាងមុខនេះ និងគាំទ្របេក្ខភាពលោកនាយករដ្ឋមន្រ្តី ហ៊ុន សែន សម្រាប់នីតិកាលទី ៦ និងនីតិកាលបន្តបន្ទាប់ទៀត៕