អាស៊ាន-ចិន បានកំណត់ការធ្វើសមយុទ្ធដែនសមុទ្រលើកដំបូងរបស់ខ្លួននៅចុងឆ្នាំនេះ។
ជំហរនេះត្រូវបានស្វាគមន៍ដោយរដ្ឋមន្ត្រីការពារជាតិអាស៊ាន ដែលបានរៀបចំកិច្ចប្រជុំក្រៅផ្លូវការមួយជាមួយរដ្ឋមន្ត្រីការពារជាតិចិនលោក Chang Wanquan នៅប្រទេសសិង្ហបុរីកាលពីថ្ងៃអង្គារ។
រដ្ឋមន្រ្តីក៏បានស្វាគមន៍ផងដែរនូវទំនាក់ទំនងដ៏រឹងមាំរវាង អាស៊ាន-ចិន និងបានពិភាក្សាអំពីវិធីសាស្រ្តក្នុងការបង្កើនកិច្ចសហប្រតិបត្តិការជាក់ស្តែង។
រដ្ឋមន្ត្រីការពារជាតិសិង្ហបុរីលោក Ng Eng Hen បានថ្លែងថា «ចំពោះពួកយើងដែលមានវត្តមានយូរល្មម យើងដឹងថា លោក Chang Wanquan គឺជាមិត្តល្អ និងរឹងមាំរបស់អាស៊ាន»។
គាត់បានធ្វើអ្វីៗជាច្រើន ដើម្បីនាំយកទំនាក់ទំនងការពារជាតិទ្វេភាគីរវាង អាស៊ាន-ចិន ឆ្ពោះទៅមុខ។
លោក Chang បានកត់សម្គាល់ថា ចិន-អាស៊ាន បានក្លាយជាដៃគូយុទ្ធសាស្ត្រ ហើយក្នុងឆ្នាំ ២០១៣ លោកប្រធានាធិបតីចិន Xi Jinping បានស្នើឲ្យបង្កើតសហគមន៍ ចិន-អាស៊ាន ដែលមានវាសនារួម។
ចាប់តាំងពីពេលនោះមក លោកឧត្តមសេនីយ៍ Chang បាននិយាយថា អាស៊ាន-ចិន បានបង្កើនទំនាក់ទំនងទៅវិញទៅមក ពង្រឹងកិច្ចសហប្រតិបត្តិការ ការផ្លាស់ប្តូរវិស័យការពារជាតិ និងការស្ថាបនាចំណងមិត្តភាពដ៏រឹងមាំមួយ។
ក្រោមការដឹកនាំរបស់លោក Xi Jingping យើងបានឈានចូលដល់យុគសម័យសង្គមនិយមថ្មីមួយជាមួយចរិតបែបចិន។ នេះបានផ្តល់នូវភាពរឹងមាំកាន់តែច្រើនសម្រាប់ការអភិវឌ្ឍរបស់ប្រទេសចិន និងឱកាសជាច្រើនទៀតសម្រាប់កិច្ចសហប្រតិបត្តិការជាមួយសហគមន៍អន្តរជាតិរួមទាំងបណ្តាប្រទេសអាស៊ានផងដែរ។
ឧត្តមសេនីយ៍ Chang ស្ថិតនៅប្រទេសសិង្ហបុរីសម្រាប់ដំណើរទស្សនកិច្ចចាប់ពីថ្ងៃទី៤ ដល់ថ្ងៃទី៨ ខែកុម្ភៈ៕
ប្រភព៖ Channel News Asia ចុះថ្ងៃទី០៧ ខែកុម្ភៈ ឆ្នាំ២០១៨
No comments:
Post a Comment