លោកនាយករដ្ឋមន្ត្រី ហ៊ុន សែន ថ្លែងដូចនេះក្នុងឱកាសសម្ពោធរោងចក្រផលិតស៊ីម៉ងត៍ដ៏ធំមួយនៅខេត្តកំពត ដែលបានវិនិយោគជាមួយទឹកប្រាក់រហូតដល់ ២៦២លានដុល្លារសហរដ្ឋអាមេរិក របស់សាជីវកម្ម CMIC នៅព្រឹកថ្ងៃទី០៨ ខែកុម្ភៈ ឆ្នាំ២០១៨នេះ។
លោកនាយករដ្ឋមន្ត្រី ហ៊ុន សែន បានបន្តថា «លើកទី១ គឺជាការយកជីវិតធ្វើដើមទុនដើម្បីរំដោះប្រទេសចេញពីរបប ប៉ុល ពត ឯលើកទី២ យកជីវិតធ្វើជាដើមទុនម្តងទៀត ចូលទៅក្នុងតំបន់ខ្មែរក្រហម ដើម្បីឱ្យមានការជឿជាក់គ្នា ទុកចិត្តគ្នា បង្កើតឡើងនូវស្ថានភាពឈ្នះ-ឈ្នះ សម្រាប់សន្តិភាព និងការបង្រួបបង្រួមជាតិ នៅក្នុងប្រទេសរបស់យើង»។
លោកនាយករដ្ឋមន្ត្រី បានលើកឡើងទៀតថា «នៅក្នុងព្រះរាជាណាចក្រកម្ពុជានេះ បើទោះជាការខុស ការត្រូវ គឺវាមានការទទួលខុសត្រូវរបស់ ហ៊ុន សែន នៅក្នុងនោះ ខ្ញុំមិនទទួលយកតែអាត្រូវ ឬតែអាខុសទេ តែខ្ញុំទទួលយកទាំងអាត្រូវ ទាំងអាខុស ប៉ុន្តែយើងត្រូវថ្លឹងថ្លែងមើលថា ក្នុងរយៈពេលដែលខ្ញុំកាន់តំណែងជាង ៣៣ឆ្នាំ តើអ្វីខ្លះទៅដែលវាបានកើតឡើងក្នុងទឹកដីនេះ»។
No comments:
Post a Comment