ទិវាជាតិទីក្រុងស្អាតខួបលើកទី៦ ឆ្នាំ២០១៨ នឹងប្រព្រឹត្តទៅក្រោមប្រធានបទ”ទីក្រុងស្អាតដើម្បីយើងទាំងអស់គ្នា”

ស្វាយរៀង៖ នៅថ្ងៃព្រហស្បតិ៍ ៨កើត ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២២ ខែកុម្ភៈ ឆ្នាំ២០១៨ យុទ្ធនាការបញ្រ្ជាបការយល់ដឹងពីទីក្រុងស្អាត និងចូលរួមអបអរសាទរទិវាជាតិទីក្រុងស្អាតខួបលើកទី៦ ឆ្នាំ២០១៨ ក្រោមប្រធានបទ”ទីក្រុងស្អាតដើម្បីយើងទាំងអស់គ្នា”។

យុទ្ធនាការនេះមានការចូលរួមពីថ្នាក់ដឹកនាំ ព្រមទាំងមន្រ្តីសាលាក្រុងស្វាយរៀង មន្ទីរបរិស្ថានខេត្ត មន្ទីរទេសចរណ៍ កងកម្លាំងប្រដាប់អាវុធ គ្រឹះស្ថានសិក្សា និងសហភាពសហព័ន្ធយុវជនកម្ពុជា ។

យុទ្ធនាការនេះធ្វើឡើង ក្នុងគោលបំណងបញ្រ្ជាបសកម្មភាព ទៅដល់សិស្សានុសិស្ស ប្រជាពលរដ្ឋ ក្រុមហ៊ុន សហគ្រាស និងអាជីវករទាំងអស់ ឲ្យមានការយល់ដឹងពីការទុកដាក់សំរាមឲ្យមានសណ្ដាប់ធ្នាប់ និងអនាម័យល្អ ជាពិសេសគឺចូលរួមលើកកម្ពស់ដល់កិច្ចគាំពារបរិស្ថានផងដែរ៕