កម្ពុជា-ជប៉ុនពិភាក្សាអំពីគម្រោងបណ្តុះបណ្តាលបច្ចេកទេសមេកានិករថយន្តនៅកម្ពុជា

នៅព្រឹកថ្ងៃទី២៨ ខែវិច្ឆិកា ឆ្នាំ២០១៧នេះ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ លោក ពេជ សោភ័ន រួមនិងមន្ត្រីថ្នាក់ដឹកនាំវិស័យអប់រំបណ្តុះបណ្តាលបច្ចេកទេស និងវិជ្ជាជីវៈ បានទទួលជួបពិភាក្សាការងារជាមួយក្រុមប្រតិភូជប៉ុនដែលមកពីក្រុមហ៊ុន The ReNet Japan ។

កិច្ចពិភាក្សាការងារនាឱកាសនោះគឺដើម្បីពិភាក្សាអំពីគម្រោងបណ្តុះបណ្តាលបច្ចេកទេសមេកានិករថយន្តនៅកម្ពុជា ព្រមទាំងនីតិវិធីនៃការរៀបចំនិងដំណើរការនៃការចុះអនុស្សរណៈយោគយល់លើគម្រោងបណ្តុះបណ្តាលនេះផងដែរ៕