លោក ប្រាយុទ្ធ ច័ន្ទអូចា បានចាកចេញពីកម្ពុជាហើយបន្ទាប់ពីបញ្ចប់ទស្សនកិច្ចពេញមួយថ្ងៃនៅកម្ពុជា

នៅល្ងាចថ្ងៃទី០៧ ខែកញ្ញា ឆ្នាំ២០១៧ លោក ប្រាយុទ្ធ ច័ន្ទអូឆា នាយករដ្ឋមន្ដ្រីថៃ និងគណៈប្រតិភូ បានអញ្ជើញចាកចេញពីកម្ពុជាហើយ បន្ទាប់ពីបញ្ចប់ការបំពេញទស្សនកិច្ចផ្លូវការពេញមួយថ្ងៃនៅកម្ពុជា តាមជើងហោះពិសេសមួយ នៅអាកាសយាន្ដដ្ឋានអន្ដរជាតិភ្នំពេញ។

មន្រ្តីជាន់ខ្ពស់កម្ពុជា ដែលអញ្ជើញជូនដំណើរនោះ រួមមានលោកឧបនាយករដ្ឋមន្ដ្រីប្រចាំការ ប៊ិន ឈិន រដ្ឋមន្ដ្រីស្ដីទីទទួលបន្ទុកទីស្ដីការគណៈរដ្ឋមន្ដ្រី លោក ថោង ខុន រដ្ឋមន្ដ្រីក្រសួងទេសចរណ៍ និងលោក ឡុង វិសាលោ ឯកអគ្គរាជទូតកម្ពុជាប្រចាំនៅប្រទេសថៃ ព្រមទាំងមន្ដ្រីមួយចំនួនទៀតផងដែរ៕