នៅព្រឹកថ្ងៃទី២៦ ខែមិថុនា ឆ្នាំ២០១៧នេះ លោកនាយករដ្ឋមន្រ្តី ហ៊ុន សែន បានថ្លែងថា មន្រ្តី ជាខ្ញុំបម្រើដ៏ស្មោះត្រង់របស់ប្រជាជនមិនមែនជាចៅហ្វាយនាយរបស់ប្រជាពលរដ្ឋនោះឡើយ ។ លោក បានថ្លែងដូចនេះក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់វិញ្ញាបនបត្រជូនដល់កម្មសិក្សាការីជាន់ខ្ពស់-មធ្យម របស់សាលាភូមិន្ទរដ្ឋបាលចំនួន ៧៥១អង្គ/នាក់ ដែលក្នុងនោះមានព្រះសង្ឃ ១៣អង្គ និងនារី ៩៨នាក់ នៅវិទ្យាស្ថានជាតិអប់រំ។
លោកនាយករដ្ឋមន្រ្តី ហ៊ុន សែន បានបញ្ជាក់ថា មន្រ្តីទាំងអស់ត្រូវបន្តបម្រើប្រជាជន ត្រូវយល់ ថា យើងជាខ្ញុំបម្រើរបស់ប្រជាជន មិនមែនចៅហ្វាយនាយរបស់ប្រជាជននោះទេ។ ស្ថានភាពនេះជាស្ថានភាពដែលយើងតែងតែរំលឹកដល់មន្រ្តីឱ្យបម្រើប្រជាពលរដ្ឋដោយភាពស្មោះត្រង់។
ប្រមុខរាជរដ្ឋាភិបាលកម្ពុជា ក៏បានបញ្ជាក់ថា មន្រ្តីត្រូវរៀបចំឥរិយាបថបែបណាឆ្លើយតបទៅនឹងចៅហ្វាយនាយ (ប្រជាពលរដ្ឋ) ឱ្យបានទាន់ពេលវេលាពេលគេត្រូវការ។ ឥរិយាបថមន្រ្តី មិនមែនចេះតែត្រឹមចងក្រវ៉ាត់ក ស្លៀកពាក់ស្អាតបាត វាយឬកដើម្បីចូលសាលាស្រុក ឬសាលាខេត្តនោះឡើយ៕
No comments:
Post a Comment