លោក​នាយក​រដ្ឋមន្ត្រី​ ហ៊ុន​ សែន៖​ ការ​សិក្សា​គ្មាន​ទីបញ្ចប់​នោះ​ឡើយ​

នៅ​ព្រឹក​ថ្ងៃទី២៦​ ខែមិថុនា​ ឆ្នាំ២០១៧នេះ ​លោកនាយករដ្ឋមន្រ្តី​ ហ៊ុន សែន ​បានថ្លែងថា​ ការសិក្សា​គ្មាន​ទីបញ្ចប់នោះឡើយ។ ​លោកបានថ្លែងដូចនេះ​ ក្នុងឱកាសអញ្ជើញ​ជាអធិបតី​ក្នុងពិធី​ប្រគល់វិញ្ញា​បនបត្រជូន​ដល់​កម្មសិក្សាការីជាន់ខ្ពស់-មធ្យម របស់សាលាភូមិន្ទរដ្ឋបាលចំនួន ៧៥១អង្គ/នាក់ ដែលក្នុងនោះមានព្រះសង្ឃ ១៣អង្គ និងនារី ៩៨នាក់ នៅវិទ្យាស្ថានជាតិអប់រំ។

លោកនាយករដ្ឋមន្រ្តី ហ៊ុន សែន បានបញ្ជាក់ថា ប្រទេសជាតិនៅតែត្រូវទាមទារនូវការពង្រឹងសមត្ថភាពរបស់មន្រ្តី ហើយមន្រ្តីនោះទៀតសោត គឺគ្មានទេទីបញ្ចប់នៃការសិក្សា អ្វីដែលថ្មីនិងជឿនលឿនដើម្បីលូតលាស់នៃចិត្តគំនិតដើម្បីគ្រប់គ្រង។

ប្រមុខរាជរដ្ឋាភិបាលកម្ពុជា ក៏បានបញ្ជាក់ថា ភាពអភិរក្សនិយមនោះហើយ ធ្វើឱ្យការរីកលូត លាស់ថ្នាក់ក្រោមជួយឧបសគ្គ។ ដូចនេះហើយ គឺទាមទារឱ្យមន្រ្តីគ្រប់គ្រងផ្នែកខាងក្រោម ត្រូវមានភាពជឿនលឿនផ្នែកគិតគូរពិចារណា ដើម្បីចូលរួមចំណែកក្នុងការអភិវឌ្ឍប្រទេសជាតិ៕