ទោះបីសាសនាអ៊ិស្លាមមិនមែនជាសាសនារបស់រដ្ឋ
តែត្រូវបានរាជរដ្ឋាភិបាលកម្ពុជា គាំទ្រ និងផ្ដល់កិត្ដិយស គ្រប់កាលៈ ទេសៈ មិនរើសអើងពូជសាសន៍អ្វីឡើយ។
នេះបើតាម ការបញ្ជាក់ឱ្យដឹងពី ឯកឧត្ដម អូស្មាន ហាស្សាន់ រដ្ឋមន្រ្តីប្រតិភូអម នាយករដ្ឋមន្ត្រី
ខណៈដែលឯកឧត្តម បានទទួលជួបពិភាក្សាការងារជាមួយគណៈប្រតិភូ ឯកឧត្ដម Yousef Alotha
imeen អគ្គនាយកខុទ្ទកាល័យអគ្គលេខាធិការ អង្គការសហប្រតិបត្តិការអ៊ិស្លាម (OIC) តំណាង
ឯកឧត្ដម Iyad Ameen Madani អគ្គលេខាធិការ OIC ព្រះរាជាណាចក្រអារ៉ាប៊ីសាអូឌីត ដើម្បីស្វែងយល់ពីសភាពការណ៍នយោបាយនៅកម្ពុជា
នៅវិមានសន្តិភាព នាព្រឹកថ្ងៃទី១៤ ខែមិថុនា ឆ្នាំ២០១៦។
ឯកឧត្ដម
អូស្មាន ហាស្សាន់ បានបញ្ជាក់ថា រាជរដ្ឋាភិបាលកម្ពុជា ដែលដឹកនាំដោយ សម្ដេចអគ្គមហាសេនាបតីតេជោ
ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានកសាង និងអភិវឌ្ឍន៍ ប្រទេសជាតិ
ឱ្យមានការរីកចម្រើនលើគ្រប់វិស័យ។ ទន្ទឹមនឹងនេះ វិស័យសាសនាក៏ត្រូវបានរីកចម្រើន ពីគ្រប់ទិសទីនិងមានការគាំទ្រពីប្រជាពលរដ្ឋផងដែរ។
ឯកឧត្ដមបន្ដថា
ទោះបីសាស នាអ៊ិស្លាម មិនមែនជាសាសនា របស់រដ្ឋតែត្រូវបាន រាជរដ្ឋាភិបាល កម្ពុជា គាំទ្រ
និងផ្ដល់កិត្ដិយស គ្រប់កាលៈ ទេសៈ មិនរើសអើងពូជសាសន៍អ្វីឡើយ។
ឯកឧត្ដម
អូស្មាន ហាស្សាន់ ក៏បានលើកឡើង ពីការផ្តល់ជូនសព្វបែបយ៉ាង ពីសំណាក់រាជរដ្ឋាភិបាលកម្ពុជា
ចំពោះសហគមន៍អ៊ិស្លាមកម្ពុជា។ បើទោះជា សាសនាអ៊ិស្លាម ពុំមែនជាសាសនារបស់រដ្ឋ តែសាសនិកអ៊ិស្លាមកម្ពុជា
មានសិទ្ធិសេរីភាពពេញលេញក្នុងការប្រតិបត្តិសាសនារបស់ខ្លួន ដោយគ្មានការរារាំងណាមួយទេ
ថែមទាំងមានថ្នាក់ដឹកនាំកំពូលរបស់ជាតិ ចូលរួមក្នុងកម្មវិធីសម្ពោធ សមិទ្ធផលអ៊ិស្លាមនានា
និងពិធីផ្សេងៗទៀតផងដែរ។
ក្រៅពីនេះ
សាសនិកអ៊ិស្លាម ក៏ទទួលបាននូវការអនុគ្រោះជាច្រើន ដូចជាការអនុញ្ញាតឱ្យសិស្សនិស្សិត
អាចគ្របក្បាលចូលរៀនក្នុងសាលារដ្ឋ ថតរូបធ្វើអត្តសញ្ញាណប័ណ្ណ និងលិខិតឆ្លងដែន មិនយកពន្ធលើ
ការនាំចូលសំភារៈសាងសង់សមិទ្ធផលអ៊ិស្លាម ក៏ដូចជាការនាំចូលជំនួយផ្សេងៗ ហើយបានបើកទូលាយ
ទទួលជំនួយសប្បុរសធម៌។
ឯកឧត្តម
បានលើកឡើងថា រាជរដ្ឋាភិបាល បានរៀបចំឱ្យមានស្ថាប័ន កំពូលរបស់អ៊ិស្លាមនៅកម្ពុជាគឺ គណៈដឹកនាំជាន់ខ្ពស់នៃសាសនាអ៊ិស្លាមកម្ពុជា
ហើយបានផ្តល់ជូនជាហូរហែ រហូតថ្មីៗនេះ បានសម្រេចជាគោលការណ៍ បញ្ចូលគ្រូខ្មែរអ៊ិស្លាមចំនួន
១៥០០នាក់ នៅក្នុងក្របខ័ណ្ឌមន្ត្រីរាជការ ក្នុងក្រសួងអប់រំ យុវជន និង កីឡា។
ឯកឧត្ដម
Dr. Yousef Alothaimeen បានសម្តែងនូវក្តីសប្បាយរីករាយព្រមជាមួយ នឹងការថ្លែង អំណរគុណ
និងកោតសរសើរ ចំពោះរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន
ជាប្រមុខ ដែលបានដឹកនាំប្រទេសឱ្យមានសុខសន្តិភាព ហើយបានយកចិត្តទុកដាក់ ចំពោះសាសនិកអ៊ិស្លាម
នៅកម្ពុជា ដោយសារ ប្រទេសកម្ពុជាគឺជាប្រទេស គំរូសម្រាប់ប្រទេស ផ្សេងទៀត។
ឯកឧត្ដម
ក៏សូមអំពាវនាវឱ្យសហគមន៍អ៊ិស្លាមនៅកម្ពុជា សូមរក្សាឱ្យបាននូវសុខសន្តិភាពនេះ ហើយត្រូវ
ប្រកាន់ខ្ជាប់នូវសាមគ្គីភាព ចៀសវាងការបែកបាក់ណាមួយ ខណៈដែលបញ្ហាជាច្រើនកើតឡើង នៅជុំវិញពិភពលោក
បាននិងកំពុងត្រូវបានប្រើប្រាស់ឈ្មោះអ៊ិស្លាម។
ឯកឧត្ដមបន្ដថា
អង្គការសហប្រតិបត្តិការអ៊ិស្លាម OIC មានប្រភពធនធានគ្រប់គ្រាន់ ដែលអាចជួយកម្ពុជា បាន
ឬក៏អាចបញ្ជូនបន្តនូវសំណើរបស់កម្ពុជា ទៅប្រទេសជាសមាជិកទាំង ៥៧ ហើយ OIC ក៏បានបើកភ្លើងខៀវ
ដល់កម្ពុជាក្នុងការធ្វើសំណើតែងតាំងអ្នកតំណាងឱ្យកម្ពុជានៅ OIC ផងដែរ។ចំពោះកម្ពុជាបានស្នើសុំចូលជាសមាជិកអង្កេតការ របស់ OIC ឯកឧត្ដម សង្ឃឹមថា ប្រទេសកម្ពុជា រួមជាមួយសមាជិកទាំងអស់ នឹងបោះឆ្នោតគាំទ្រនៅក្នុងកិច្ចប្រជុំប្រចាំឆ្នាំ ដែលនឹងធ្វើឡើងនៅថ្ងៃ ទី១៨-១៩ ខែតុលា ឆ្នាំ២០១៦ ខាងមុខនេះជាមិនខាន៕
No comments:
Post a Comment