លោកជំទាវ ហ៊ុន ម៉ាណា ប្រគល់ផ្ទះទេវតាចំនួន ០២ខ្នង ជូនចាស់ជរាគ្មានទីពឹងនៅ ខេត្តបាត់ដំបង

កាលពីព្រឹកថ្ងៃទី ១៤ ​ខែមិថុនា ឆ្នាំ២០១៦ នេះលោកជំទាវ ហ៊ុន ម៉ាណា ប្រធានមូល​និធិ​បាយ័ន​បានដឹកនាំក្រុមការងារប្រគល់ផ្ទះទេវតាចំនួន០២ ខ្នង ជូនចាស់ជរាគ្មានទីពឹងនៅ​ខេត្ត​បាត់ដំបង។

ផ្ទះលេខ ២៩ ប្រគល់ជូនលោកអ៊ុំ ជ័យ ប៊ុនឈឿ អាយុ៧៩ឆ្នាំ។ លោកអ៊ុំ ជ័យ ប៊ុន​ឈឿអតីត​ជាគ្រូបង្ហាត់ក្បាច់គុណបុរាណខ្មែរ និងជាអាជ្ញារកណ្តាលដ៏ល្បីឈ្មោះក្នុង​កម្មវិធី​ប្រដាល់​​ក្បាច់គុណបុរាណ នៅតាមបណ្តាស្ថានីយ៍ទូរទស្សន៍ជាច្រើន។ បច្ចុប្បន្នលោកអ៊ុំ​ចូល​​វ័យ​ចាស់ជរា   ​​    ​​ និងមានជម្ងឺប្រចាំកាយរស់នៅភូមិវត្តលាភ      ​​  ​​​​សង្កាត់ចំការសំរោង

ក្រុង​​បាត់ដំបង ខេត្តបាត់ដំបង និងផ្ទះលេខ ១៣០ ប្រគល់ជូនលោកយាយ ឆយ ហាយ អាយុ​៧០ ឆ្នាំ រស់នៅភូមិពពាលខែឃុំអូរតាគី ស្រុកថ្មគោល ខេត្តបាត់ដំបង។                                                                  

អំណោយផ្ទះទាំង០២ ខ្នងនេះ បានមកពីសប្បុរសជន លោកឧកញ៉ា ជឹង ធានគាត និង​លោក​ជំទាវ ព្រមទាំងបុត្រ លោក ពេជ អភិរៈ និងលោកស្រី។

ក្នុងឱកាសប្រគល់ផ្ទះចំនួន ០២ ខ្នងនោះ ក្រុមការងារក៏បានចែកអំណោយរបស់ សម្តេច តេជោ ហ៊ុន សែន និងសម្តេចកិត្តិព្រឹទ្ធបណ្ឌិត រួមមានសម្ភារៈប្រើប្រាស់ គ្រឿងឧបភោគបរិ​ភោគ និងថវិការមួយចំនួនជូនដល់លោកតា លោកយាយ ជាច្រើននាក់ដែលកំពុងជួបនូវជីវ​ភាពខ្វះខាតផងដែរ៕