សម្ដេចតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា នៅរសៀលថ្ងៃទី២៨ ខែមេសា នេះ បានអនុញ្ញាតឲ្យលោកជំទាវ ហ្វេលីស៊ីដាដេ ដឺ ស៊ូសា ហ្គូទែរ៉ែស (Felicidade de Sousa Guterres) ឯកអគ្គ
រដ្ឋទូតសាធារណៈរដ្ឋប្រជាធិបតេយ្យទីម័រលែស្ត
ចូលជួបសម្ដែងការគួរសម និងភាក្សាការងារ នៅវិមានសន្តិភាព
ទីស្ដីការនាយករដ្ឋមន្រ្ដី។
បន្ទាប់ពីជំនួបបានបញ្ចប់ជំនួយការផ្ទាល់របស់សម្ដេចតេជោ ឯកឧត្តម អ៊ាង សុផល្លែត បានប្រាប់ឲ្យដឹងថា លោកជំទាវ ហ្គូទែរ៉ែស បាននាំនូវការសួរសុខទុក្ខ និងគោរពពីឯកឧត្តមប្រធានាធិបតី និងនាយករដ្ឋមន្ត្រីទីម័រលែស្ត ជូនចំពោះសម្តេចតេជោ ហ៊ុន សែន ហើយ
ក៏បានសម្តែងនូវកត្តញ្ញូតាធម៌ ដល់សម្តេចតេជោ
ដែលបានគាំទ្រឲ្យប្រទេសទីម័រលែស្ត
បើកស្ថានទូតនៅព្រះរាជាណាចក្រកម្ពុជា
ព្រមទាំងបានជួយគាំទ្រឲ្យដំណើរការនូវស្ថានទូតនេះ។
លោកជំទាវ
បានប្តេជ្ញាចិត្តថា នឹងធ្វើអ្វីគ្រប់បែបយ៉ាង
ដើម្បីពង្រីកទំនាក់ទំនង
និងពង្រឹងកិច្ចសហប្រតិបត្តិការទ្វេរភាគីរវាងប្រទេសទាំងពីរផងដែរ
ទាំងវិស័យទេសចរណ៍ សេដ្ឋកិច្ច ពាណិជ្ជកម្ម និងវិស័យផ្សេងៗទៀត។
ជាការឆ្លើយតបសម្តេចតេជោ ហ៊ុន សែន បានថ្លែង
អំណរគុណ ចំពោះការផ្តាំផ្ញើរសួរសុខទុក្ខពីឯកឧត្តមប្រធានាធិបតី
និងនាយករដ្ឋមន្ត្រី ទីម័រលែស្ត ហើយបានមានប្រសាសន៍ថា
ការបើកស្ថានទូតនៅកម្ពុជា
របស់សាធារណរដ្ឋប្រជាធិបតេយ្យទីម័រលែស្តនេះ
គឺឆ្លុះបញ្ចាំងនូវការយកចិត្តទុក្ខដាក់
ពីទំនាក់ទំនងរវាងប្រទេសទាំងពីរ។
សម្តេចតេជោ បានឯកភាពចំពោះលោកជំទាវ ហ្គូទែរ៉ែស ក្នុងការ
ជម្រុញទំនាក់ទំនងរវាងប្រទេសទាំងពីរ នៅលើវិស័យពាណិជ្ជកម្ម
សេដ្ឋកិច្ច ទេសចរណ៍ជាដើម។ សម្តេចបានមានប្រសាសន៍
ស្នើសុំឲ្យបន្ថែមលើអ្វី ដែលជាកិច្ចសហប្រតិបត្តិការដែលមានស្រាប់
និងពិនិត្យមើលលើអ្វីដែលប្រទេសទាំងពីរ អាចសហការណ៍គ្នាបាន។
ជាទីបញ្ចប់សម្ដេចតេជោបានស្វាគមន៍
និងសម្តែងនូវការអបអរសាទរចំពោះលោកជំទាវ
ដែលត្រូវបានតែងតាំងជាឯកអគ្គរដ្ឋទូតវិសាមញ្ញ និងពេញសមត្ថភាព
ហើយបានជូនពរឲ្យលោកជំទាវទទួលបានជោគជ័យ
ក្នុងបេសកកម្មការទូតនៅកម្ពុជា។
No comments:
Post a Comment