នារសៀលថ្ងៃទី ២៧ ខែ មេសា ឆ្នាំ ២០១៦ នៅទីស្ដីការក្រសួងទេសចរណ៍មានកិច្ចភាក្សាស្ដីពីកិច្ចសហការក្នុងការបណ្ដុះបណ្ដាលធនធានមនុស្ស
លើវិស័យទេសចរណ៍ និងលើការត្រៀមរៀបចំទទួលទេសចរណ៍ជប៉ុន អោយបានច្រើន ស្របពេលដែលមានជើងហោះហើរត្រង់នៅខែកញ្ញានេះរបស់ក្រុមហ៊ុន
All Nippon Airline (ANA) ហើយភាគីជប៉ុនក៏បានស្នើអោយក្រុមហ៊ុន Cambodia Angkor
Air របស់កម្ពុជាយើង ធ្វើការហោះហើរទៅប្រទេសជប៉ុនផងដែរ ជាមួយនឹងការរៀបចំទទួលទេសចរជប៉ុន
យើងក៏អាចបញ្ជូនទេសចរកម្ពុជា ទៅកាន់ជប៉ុនផងដែរ។
បច្ចុប្បន្ននេះ
រាជរដ្ឋាភិបាលកម្ពុជា មានគោនយោបាយ ផ្ដល់ទិដ្ឋាការអោយប្រទេសមួយចំនួន
រួមមាន ចិន ជប៉ុន កូរ៉េ ចេញ ចូលច្រើនដងរហូតរយៈពេល ៣ឆ្នាំ
អនុញ្ញាតអោយទេសចរអាចចេញចូលប្រទេសដែល
យើងនឹងពិភាក្សាគ្នាដើម្បីទាក់ទាញទេសចរណ៍ប្រទេស
អាស៊ាន + ៣នេះ។
ដោយឡែកទេសចរជប៉ុន ជាទេសចរចូលចិត្តវប្បធម៌ ហេតុនេះពួកគាត់ចូលចិត្តមកលេងតំបន់សៀមរាបអង្គរច្រើនជាងទៅលេងតំបន់សមុទ្រ
ហេតុនេះបានយើងខិតខំធ្វើការជាមួយអ្នកវិនិយោគជប៉ុន ដែលថ្ងៃនេះមានក្រុមបណ្ដុះបណ្ដាល
និងទីផ្សារផ្សព្វផ្សាយជប៉ុន ធ្វើយ៉ាងណាទាក់ទាញភ្ញៀវទេសចរជប៉ុន អោយបានច្រើនដែលរំពឹងថានឹងមានការកើនឡើងភ្ញៀវទេសចរជប៉ុន។
ទន្ទឹមនឹងនោះឯកឧត្តម ថោង ខុន បានលើកឡើង ពីកង្វះខាតវិស័យសណ្ឋាគារដែលកម្ពុជាកំពុងប្រឈមហើយនោះក៏ជាឱកាសល្អផងដែរសំរាប់វិនិយោគលើផ្នែកទេសចរណ៍ ពិសេសនៅខេត្តសៀមរាប នៅក្រុងសីហនុដោយបច្ចុប្បន្នកម្ពុជាកំពុងរៀបចំគោលនយោបាយផ្ទះទី២ និងនយោបាយសំរាបទេសចរណ៍ចូលនិវត្តន៍ដែលអនុញ្ញាតអោយទេសចរណ៍អាចជួលស្នាក់នៅរយៈពេលវែង ឬអាចធ្វើជាម្ចាស់កម្មសិទ្ធិដោយអាចផ្ទេរបន្តជាមរតករបស់សាច់ញាតិថែមទៀត។
ឯឧត្តមរដ្ឋមន្ត្រី ក៏បានរំលឹក ថាកម្ពុជាជាជនជាតិដែលមានភាពរួសរាយរាក់ទាក់ពីធម្មជាតិក៏មែនពិតតែមិនទាន់គ្រប់គ្រាន់នៅឡើយគឺត្រូវតែមានជំនាញផ្នែកបដិសណ្ឋារកិច្ច ហើយយើងក៏បាននឹងកំពុងរៀបចំគោលនយោបាយមួយដែលជម្រុញជាពិសេសអោយផ្នែកដែលពាក់ព័ន្ធផ្ទាល់នឹងវិស័យទេសចរណ៍ទាំងអស់ចូលរួម៕
No comments:
Post a Comment