គណៈកម្មាធិការ​កាកបាទក្រហមកម្ពុជា​ខេត្តកំពង់ឆ្នាំង​​ ចុះពិនិត្យការ​សាងសង់​ផ្ទះឱ្យស្ត្រី​មេម៉ាយទីទ័លក្រជួបការលំបាក

កំពង់ឆ្នាំង៖ នៅថ្ងៃទី២៨ ខែមករា ឆ្នាំ២០១៩ លោក សៀត គឹមលៀង អនុប្រធានគណៈកម្មា ធិការសាខា កាកបាទក្រហមកម្ពុជាខេត្តកំពង់ឆ្នាំង រួមដំណើរដោយ លោក ប្រាក់ សោភ័ណ្ឌ នាយកសាខា បានធ្វើដំណើរទៅស្រុកបរិបូណ៌ ដើម្បីធ្វើការត្រួតពិនិត្យមើលការងារសាងសង់ និងគុណភាពផ្ទះប្អូនស្រី ជា រ៉េន អាយុ ៣៥ឆ្នាំ ជាស្ត្រីមេម៉ាយទីទ័លក្រជួបការលំបាក មានកូនតូច ៤នាក់ ក្នុងបន្ទុក រស់នៅក្នុងភូមិកែវឡាត ឃុំពន្លៃ ស្រុកបរិបូណ៌ ខេត្តកំពង់ឆ្នាំង និងផ្ទះប្អូនស្រី អ៊ុល ធីតា អាយុ ៣២ឆ្នាំ រស់នៅក្នុងភូមិថ្មី ឃុំផ្សារ ស្រុកបរិបូណ៌ ខេត្តកំពង់ឆ្នាំង។

អំណោយផ្ទះដែលផ្តល់ជូនស្ត្រីមេម៉ាយទីទ័លជួបការលំបាកខាងលើ ជាអំណោយរបស់លោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដោយលំនៅដ្ឋានពីរខ្នងខាងលើនេះ ដំណើរការសាងសង់បានប្រមាណ៦០% ហើយ ៕