រដ្ឋាករទឹក​ស្វយ័តក្រុងភ្នំពេញ​ ទទួលយកការ​ផ្គត់ផ្គង់ទឹកស្អាត​ចូលសង្កាត់ទាំង៤

យោងតាមអនុសាសន៍របស់ប្រមុខរាជរដ្ឋាភិបាល បានឲ្យរដ្ឋាករទឹកស្វយ័តក្រុងភ្នំពេញ ទទួលយកការផ្គត់ផ្គង់ទឹកស្អាតចូលសង្កាត់ទាំង៤ គឺសង្កាត់ព្រែកថ្មី សង្កាត់ក្បាលកោះ សង្កាត់ព្រែកឯង និងសង្កាត់វាលស្បូវ ដែលពីមុនស្ថិតក្រោមការផ្គត់ផ្គង់ទឹករបស់ក្រុមហ៊ុនឯកជនឲ្យមកស្ថិតនៅក្រោមការផ្គត់ផ្គង់ដោយផ្ទាល់ពីរដ្ឋាករទឹកស្វយ័តក្រុងភ្នំពេញវិញ។

ក្រុមការងាររដ្ឋាករទឹកស្វយ័តក្រុងភ្នំពេញ បានតភ្ជាប់បំពង់មេទៅកាន់តំបន់ខាងលើរួចរាល់កាលពីថ្ងៃទី២៣ ខែសីហា ឆ្នាំ២០១៧ និងបានសាកល្បងសំពាធនៅថ្ងៃទី០៤ ខែតុលា ឆ្នាំ២០១៧ ចប់រួចរាល់ជាស្ថាពរ បច្ចុប្បន្ននៅរង់ចាំតែការអនុញ្ញាតពីក្រុមហ៊ុន ដើម្បីបើកបញ្ចូលទឹកទៅផ្គត់ផ្គង់តំបន់នោះតែប៉ុណ្ណោះ៕