លោក ហ៊ុន ម៉ាណែត ចុះពិនិត្យទីតាំងសម្រាប់ផ្តល់ជូនសមិទ្ធិផលថ្មីៗ នៅវិទ្យាល័យអំពិល ស្រុកបន្ទាយអំពិល ខេត្តឧត្តរមានជ័យ

ឧត្តរមានជ័យ៖ នារសៀលថ្ងៃទី៨ ខែមករា ឆ្នាំ ២០១៨ លោក ហ៊ុន ម៉ាណែត តំណាងលោកនាយករដ្ឋមន្រ្តី ហ៊ុន សែន អមដំណើរដោយលោក ស ថាវី អភិបាលខេត្តឧត្តរមានជ័យ បានអញ្ជើញចុះសាកសួរសុខទុក្ខ និងចុះពិនិត្យទីតាំងសម្រាប់ផ្តល់ជូនសមិទ្ធិផលថ្មីៗជាច្រើន ជូនដល់ លោកគ្រូ អ្នកគ្រូ សិស្សានុសិស្សចំនួន ១០៣៨ នាក់ នៅវិទ្យាល័យ អំពិល ដែលស្ថិត នៅភូមិគោកមន ស្រុកបន្ទាយអំពិល ខេត្តឧត្តរមានជ័យ។

សមិទ្ធិផលដែលនឹងចាប់បដិសន្ធិនៅក្នុងវិទ្យាល័យអំពិលនោះរួមមាន៖
– អាគារសិក្សាមួយខ្នងកម្ពស់ ៣ ជាន់មាន ១៨បន្ទប់
– ទីចាត់ការ ១ខ្នង មាន ៣ បន្ទប់
– ខ្លោងទ្វារ របងព័ន្ធជុំវិញសាលាដែលទំហំ៤ ហិចតា
– ទីលានបាល់ទាត់ថ្មីមួយ តារាងបាល់ទះ និងតារាងបាល់បោះ
– សម្ភារៈប្រើប្រាស់ក្នុងថ្នាក់រៀន
– កុំព្យូទ័រ២៥ គ្រឿង រួមនិងម៉ាស៊ីព្រីនធើរមួយចំនួនផងដែរ៕