Cambodia All Stars នឹងប៉ះជាមួយ Muangthong United នៅថ្ងៃទី១៦ កក្កដា ក្នុងជំនួបមិត្តភាព

ក្រុមបាល់ទាត់ Muangthong United ដែល​ជើង​ខ្លាំង​នៅ​លីក​កំពូល​របស់​ថៃ នឹង​ធ្វើ​ដំណើរ​មកដល់​រាជធានី​ភ្នំពេញ នៅ​វេលា​ម៉ោង​៤និង២០​នាទី ល្ងាច​ថ្ងៃ​សុក្រ ទី​១៤ ខែកក្កដា ឆ្នាំ​២០១៧ ដើម្បី​ប្រកួត​មិត្តភាព​អន្តរជាតិ ជាមួយ​ក្រុម Cambodia All Stars នៅ​ថ្ងៃអាទិត្យ ចុង​សប្ដាហ៍​នេះ។

ក្រុម​ទាំង​២​នឹង​ធ្វើ​ការប្រកួត​មិត្តភាព​អន្តរជាតិ ដែលនឹង​ធ្វើ​ឡើង​នៅ​ម៉ោង​៦​ល្ងាច ថ្ងៃអាទិត្យ ទី​១៦ ខែកក្កដា ឆ្នាំ​២០១៧ លើ​ទីលាន​ពហុ​កីឡដ្ឋាន​ជាតិ ក្នុង​រាជធានី​ភ្នំពេញ​៕