លោក សុខ ឥ​សាន៖ សម រង្ស៊ី យល់​ច្រទ្បំធំ​ហើយ

លោក សុខ ឥសាន អ្នកនាំពាក្សគណបក្សប្រជាជនកម្ពុជា បានមានប្រសាសន៍ថា បន្ទាប់ពីបានសម្រេចចិត្ត លាលែងពីតួនាទីជាប្រធានបក្សប្រឆាំង និងពីសមាជិកគណបក្សសាង្គ្រោះជាតិ តែប៉ុន្មានថ្ងៃមក សម រង្ស៊ី បានខកចិត្តយ៉ាងខ្លាំង ដោយការសម្រេចចិត្តរបស់ខ្លួន ធ្វើខ្លួនស្លាប់ជីវិតនយោបាយយ៉ាងមិនអស់ចិត្ត។ នេះជាលទ្ធផលនៃនយោបាយអត្តឃាដដោយខ្លួនឯង មិនអាចរកទ្បេះមួលបង្កាច់លើអ្នកដទៃបាន។

លោក សុខ ឥសាន បានបន្ថែមថា អាស្រ័យដោយមហិច្ឆតានយោបាយ សម រង្ស៊ី បានពោលពាក្យគួរឱ្យខ្នាញ់ថា ខ្លួនចង់ធ្វើនយោបាយតទៅទៀត បើសិនជាមានប្រជាជនបន្តគាំទ្រខ្លួន។ ហួសពេលហើយ លោកប្រធានដ៏មហិមាអើយ គួរឱ្យស្តាយណាស់ដែលលោកប្រធានភ្លើ នៅមិននៅសម្លាប់ខ្លួនឯង ដោយអួតថាប្រកបដោយអគតិបណ្ឌិតនោះ ។
លោកប្រធាន កំពុងស្ថិតនៅក្នុងឋានៈជាទណ្ឌិត មិនអាចធ្វើអីបានទេ កុំថាឡើយធ្វើនយោបាយ ទោះបីលោកប្រធានប៉ាន់ស្មានថា នៅមានអ្នកគាំទ្រ
លោកប្រធានចង់បង្កើតបក្ស ក៏មិនបាន
លោកប្រធានចង់សុំចូលជ្រកកោនក្នុងគណបក្សណាក៏គេមិនទទួលដែរ ដោយគេខ្លាចចង្រៃគណបក្សគេ
លោកប្រធានចង់ចូលស្រុកវិញក៏មិនបាន ព្រោះគុកកំពុងរង់ចាំលោកប្រធាន
លោកប្រធានចង់រត់ទៅពឹងចៅហ្វាយនាយឯណាក៏មិនបានដែរ ព្រោះលោកប្រធានលាលែងដោយស្វ័យសម្រេចខ្លួនឯង គ្មានអ្នកណាគាបសង្កត់លោកប្រធានទេ គឺលោកប្រធានគាបសង្កត់ខ្លួនឯងផ្ទាល់ គ្មានទ្បេះទេ។
លោក សុខ ឥសាន បានបន្ថែមទៀតថា មានដំណោះស្រាយតែមួយគត់ដើម្បីឱ្យស្ងប់ចិត្ត នោះគឺមានតែចងកឱ្យងាប់ទេ ទើបបាត់អផ្សុក ហើយឈប់រំខានគេឯង?
ជយោ ! លោកប្រធានដ៏មហិមា! ៕