បែកធ្លាយទៀតហើយ សង្រ្គាមដណ្តើមមុខតំណែង របស់គណបក្សសង្រ្គោះជាតិ នៅខេត្តស្វាយរៀង

នៅថ្ងៃទី៣១ ខែមករា ឆ្នាំ២០១៧នេះ គណនីហ្វេសប៊ុកឈ្មោះ សី ហា បានបន្តបង្ហោះផ្សាយពីការបែកបាក់នៅក្នុងផ្ទៃក្នុងបក្សប្រឆាំង នៅខេត្តស្វាយរៀង ដែលមានខ្លឹមសារដូចខាងក្រោមនេះ៖

«បែកខ្ទេចនៅស្វាយរៀងទៀតហើយ សង្គ្រាមដណ្តើម មុខតំណែង បេក្ខជនលំដាប់លេខរៀងរបស់គណបក្សសង្គ្រោះជាតិ បានផ្ទុះឡើងហើយ អត់មានសង្គ្រាម ជួយទប់ស្កាត់ភាពក្រីក្រប្រជាជនទេ មានតែសង្គ្រាមដណ្តើមអំណាចគ្នា នេះមិនទាន់បានអំណាចផងប៉ុណ្ណឹងហើយ រវាងមិនទុកចិត្តគ្នាចុះទម្រាំបានអំណាចទៀត ប្រទេសជាតិ ពិតជារលាយរលត់ ដោយសារបក្សសង្គ្រោះជាតិនេះ ជៀសមិនរួចពីការកើតសង្គ្រាម ដោយដណ្តើមអំណាចគ្នាយ៉ាងពិតប្រាកដ សូមបងប្អូនកូនចៅតាមមើលឱ្យច្បាស់កុំដេកមើលតែមួយជ្រុងប្រយ័ត្នគ្រោះថ្នាក់ដល់សង្គមជាតិ និងខ្លួនឯង។

CNRP ល្មមភ្ញាក់ខ្លួននៅ? សកម្មជន CNRP ភ្ញាក់ខ្លួនបណ្តើរៗ នៅខេត្តស្វាយរៀង ដែលទទួលរងភាពអយុត្តិធម៌ ក្នុងការរៀបចំបេក្ខជន ក្រុមប្រឹក្សា ឃុំ សង្កាត់ ពីសំណាក់លោក អ៊ូ ច័ន្ទឬទ្ធិ និងលោក គង់ សភា កំពុងក្រោកឡើងបះបោរ។ នៅក្រុងបាវិត លោក ប៉ែន កុសល តំណាងឱ្យសកម្មជន CNRP គ្រោងដឹកនាំកម្លាំង ទំលាក់ស្លាកគណបក្សសង្គ្រោះជាតិ នៅក្រុងបាវិតចោល ហើយពួកគេបាន និងកំពុងរៀបចំបដា ដោយមានការចូលរួមទាំង៦ស្រុក និង២ក្រុង នៃខេត្តស្វាយរៀង ឡើងមកតវ៉ានៅទីស្នាក់ការបក្សសង្គ្រោះជាតិឆាប់ៗនៅពេលខាងមុខ។

ស្ដីពីការបោះឆ្នោតស្ទាបស្ទង់របស់គណបក្សសង្គ្រោះជាតិព្រឹកថ្ងៃ២៩ ខែមករា ឆ្នាំ២០១៧ នៅក្នុងភូមិបាវិតលើ សង្កាត់បាវិត ក្រុងបាវិត ។

*អំពីមូលហេតុនៅពេលកំពុងរាប់សន្លឹកឆ្នោតរកសំឡេងគាំទ្រ

បេក្ខជនរបស់ខ្លួនមានករណីឈ្លោះប្រកែកគ្នារវាងលោក ប៉ែន កុសល ជាប្រធានគណៈប្រតិបត្តិក្រុងបាវិត និងបេក្ខជនដែលគាំទ្រក្រុមលោក នង ឡេង ជាជំទប់ទី២គណបក្សសង្គ្រោះជាតិសង្កាត់បាវិត និងសកម្មជនផ្សេងទៀត បានមកដល់កន្លែងធ្វើកម្មវិធីនិងរករឿងគ្នាអំពីការដាក់លេខរៀងបេក្ខជន ហើយបានឈ្លោះប្រកែកថា ក្រុមលោកឯងនេះធ្វើខុសច្បាប់លំអៀងបក្សពួកនិយម រើសអើងធ្វើតាមតែអំពើចិត្តនេះជាសំដីលោក ប៉ែន កុសល មិនតែប៉ុណ្ណោះលោក ប៉ែន កុសល បានពោលពាក្យថា ធ្វើអីម្ដេចមិនប្រាប់ខ្ញុំឱ្យដឹងផង ឥឡូវលោកមិនសុខចិត្ត និងប្ដឹងក្រុមខាងម្ខាងទៀតដែលមានឈ្មោះលោក យិន ធាវី ព្រមទាំងបេក្ខជនឈរឈ្មោះដែលបោះឆ្នោតព្រឹកមិញ ។

សូមបញ្ជាក់ថា កាលដែលឈ្លោះប្រកែកគ្នានោះ អ្នកតំណាងរាស្ត្រទាំងពីរនាក់ ក៏នៅក្នុងនោះដែរ និងគណៈប្រតិបត្តិខេត្ត ប៉ះសំដីធ្ងន់ៗជាមួយលោក ប៉ែន កុសល និងអ្នកដែលគាំទ្រខាងលោក ប៉ែន កុសល និង ក្រុម នង ឡេង»៕