កម្ពុជា-កូរ៉េ ចុះហ​ត្ថលេខា​រួមគ្នា​លើគ​ម្រោង​អភិវឌ្ឍន៍​សេដ្ឋ​កិច្ច និង​លើក​កម្ពស់​ផ្លូវជាតិ​លេខ​៤៨

ភ្នំពេញ៖ ក្រសួងការបរទេសកម្ពុជា នៅថ្ងៃទី៣០ មករានេះ បានបញ្ជាក់ ថា កម្ពុជា-កូរ៉េ នឹងចុះហត្ថលេខា ការផ្តល់ឥណទានសម្បទាន នៃមូល និធិសហប្រតិបត្តិការ អភិវឌ្ឍន៍សេដ្ឋកិច្ច សម្រាប់ឆ្នាំ ២០១៦-២០១៨ និងការផ្តល់ឥណទានសម្បទាន សម្រាប់គម្រោងលើកកម្ពស់ គុណភាព ផ្លូវជាតិ លេខ៤៨ ។

យោងតាមសេចក្ដីជូនព័ត៌មាន របស់ក្រសួងការបរទេស បានលើកឱ្យដឹងថា ឯកសារទាំងពីរនោះ នឹងចុះហត្ថលេខា រវាងលោករដ្ឋមន្ត្រី ប្រាក់ សុខុន និងលោក គីម វ៉ន ជីន ឯកអគ្គរដ្ឋទូតនៃសាធារណរដ្ឋកូរ៉េ ប្រចាំកម្ពុជា នៅ ទីស្តីការក្រសួងការបរទេស៕