ឆ្នាំ២០១៧នេះ បក្សប្រឆាំង នឹងជួបវិបត្តិវេទនាជាងកាលពីឆ្នាំ២០១៦ទៅទៀត

នៅថ្ងៃទី៣១ ខែមករា ឆ្នាំ២០១៧នេះ គណនីហ្វេសប៊ុកឈ្មោះ សី ហា បានបន្តបង្ហោះផ្សាយវិបត្តិដែលកំពុងកើតឡើងនៅក្នុងបក្សប្រឆាំង ដោយសារការរំលោភវប្បធម៌សន្ទនា ដែលមានខ្លឹមសារដូចខាងក្រោមនេះ៖

«ដូចការរំពឹងទុកមកអញ្ចឹង គឺថា វប្បធម៌សន្ទនា ហ៊ុនសែន/កឹមសុខា គឺពិតជាមានអាយុខ្លីណាស់។ រឿងកន្លងហួស យើងមិនចង់រំលឹកឡើងវិញនោះទេ យើងសូមនិយាយពីអនាគតរបស់បក្សប្រឆាំងក្នុងឆ្នាំ២០១៧នេះ។ បក្សប្រឆាំងវានឹងរងនូវការជួបវិបត្តិសារជាថ្មីម្តងទៀត វេទនាជាងកាលពីឆ្នាំ២០១៦ទៅទៀត។ អាចនឹងមានការរឹបអូសឡាយឡុងទ្រព្យសម្បត្តិផ្ទាល់ខ្លួនរបស់មេបក្សនិងរងបក្ស ដើម្បីសងបំណុលច្បាប់ទៀតផង គឺលេងមែនទែនហើយ លែងយោគយល់ហើយ នោះគឺមកពីអស់លោកក្បត់ពាក្យសន្យា ដែលថានឹងទាត់សមរង្សីចោល។

អ្នកក្រឡិចក្រឡុច គឺអ្នកនយោបាយហ្នឹងហើយ តែពេលខ្លះយើងក៏ទាមទារនូវសភាវគតិស្មោះត្រង់ខ្លះដែរ ដើម្បីផលប្រយោជន៍ជាតិ និងប្រជាជន។ លោក កឹម សុខា អាចនឹងរងបណ្តឹងជាច្រើនបន្ថែមទៀត លោក សម រង្សី ក៏ដូចគ្នា ព្រោះថាស្រុកខ្មែរគ្មានអ្នកទោសនយោបាយនោះទេ តែយើងមានអ្នកនយោបាយបំពានច្បាប់។

យើងជាពលរដ្ឋមិនចង់ឃើញអ្នកនយោបាយខ្មែរឈ្លោះគ្នានោះទេ យើងចង់ឃើញស្នាមញញឹមរបស់ខ្មែរ តែលោក សម រង្ស៊ី ដូចជាឃោរឃៅពេកហើយ ចំពោះជាតិខ្មែររបស់យើង។ លោកតែងតែតាមខាំ មិនលើកលែងឱ្យខ្មែរបានសុខស្រួលនោះទេ យើងនៅមានវិធីមួយទៀតគឺ កំណត់សញ្ជាតិតែមួយសម្រាប់នាយករដ្ឋមន្ត្រីខ្មែរ»៕